_1693980289.gif "#")
धनकुटा / धनकुटाका पेट्रोलियम व्यवसायीहरुलाई व्यवसायी वेवस्ता गरेको भन्दै व्यवसायीहरु आन्दोलित बनेका छन् ।
कोशी पहाडी जिल्लाका विभिन्न आयोजनाहरुलाई जिल्ला बाहिरका व्यवसायीहशरुले अबैध रुपमा पेट्रोलियम पद्धार्थ बेचेको भन्दै कोशी पहाडी जिल्लाका पेट्रोलपम्प व्यवसायीहरु आन्दोलित भएका हुन् ।
पहाडी क्षेत्रमा सञ्चालित विभिन्न आयोजनाहरुमा इटहरी, धरान, विराटनगर, अमलेशगञ्ज, विरगंज, बुटवल, हेटौडा लगायतका पेट्रोल पम्पहरुले अबैद रुपमा पेट्रोलियम पद्धार्थ ढुवानी गरेको उनीहरुले बताएका छन् ।
पहाडी पेट्रोलियम व्यवसायी एशोसियसनले धनकुटामा आज पत्रकार सम्मेलन गर्दै जिल्ला बाहिरका पम्पहरुले जथाभावि अबैद रुपमा पेट्रोलियम पद्धार्थ ढुवानी गर्दा यस क्षेत्रका पेट्रोलपम्पहरु धरासायी बन्दै गएको जनाएको छ ।
एशोसियसनले तराइका विभिन्न पेट्रोलपम्पहरुको यस्तो प्रवृतीप्रति गम्भिर ध्यानकर्षण भएको जनाएको छ । नेपाल आयाल निगमलाई आफनो नियम कार्यन्वयन भए नभएको निगरानि गर्न समेत एशोसियसनले विज्ञप्ती मार्फत ध्यानकर्षण गराएको छ ।
विज्ञप्तीमा भनिएको छ ‘स्थानीय प्रशासन र नेपाल आयल निगमले यस्ता विषयमा निगरानी बढाउदै यस्ता गलत प्रवृती रोकेर त्यस्ता पेट्रोल पम्पहरुलाई तत्काल कारवाहि नगरेमा पहाडी क्षेत्रका सबै पेट्रोल पम्पहरु बन्द गरि प्रशासनलाई चावी बुझाएर आन्दोलनमा जान बाध्य हुने चेतावनी दिन चाहान्छौ ।’
नेपाल आयल निगमले पेट्रोलियम पदार्थको ढुवानि गर्ने सम्बन्धमा टैङकरहरुले निगमबाट विलिङ्ग भए अनुसारको विक्रेताहरुकोमा मात्र पेट्रोलियम पदार्थ डेलिभरि गर्नुपर्ने व्यवस्था भए पनि पम्पहरुले जथाभावि लगेर तेल बिक्री गर्दा निगमलाई राजश्वघाटा हुने पहाडी पेट्रोलियम व्यवसायी एशोसियसनका अध्यक्ष अनिस राईले बताए ।
