मिस्टर पुर्वान्चलको ताज मेरिल्याण्डका रमननाथ गिरीलाई

मोरङ /   रोनक फेसन एजेन्सीद्वारा आयोजित मिस्टर एण्ड मिस पुर्वान्चल प्रतियोगितामा विराटनगर–७ स्थित मेरिल्याण्ड कलेजका कक्षा–१२ का छात्र रमननाथ गिरी मिस्टर पुर्वान्चलको उपाधि जित्न सफल भएका छन् ।

प्रतियोगितामा १० जना प्रतिस्पर्धीलाई उछिन्दै उनले ताज हात पार्न सफल भएका हुन् । प्रतियोगितामा सुशील राना दोश्रो र दिप राजवंशी तृतीय भएका छन् ।

आयोजक संस्थाका अध्यक्ष रोनक अग्रवाल अनुसार प्रतियोगितामा पहिलो पटक भारतका प्रशिक्षकहरु आएर प्रतियोगीहरुलाई प्रशिक्षण दिएका थिए ।

विजेता बन्दै गिरीले नगद ३१ हजारसहित एक बर्ष क्लासीकटेकको निःशुल्क इन्टरनेट सेवा, ए बी ड्राइभिंग स्कूलबाट तालिम लगायत गिफ्ट ह्यामपर्स प्राप्त गरेका छन् । विजेता बनेका गिरी पढाइमा पनि उतिकै अब्बल रहेको कलेजका प्रिन्सिपल लक्ष्मण ढकालले बताए । गिरीले यस भन्दा अगाडिका विभिन्न प्रतियोगितामा समेत अग्र स्थान हासिल ग रेका थिए ।

गत पुष महिनामा डिग्रीमा विराट एक्सपोमा आयोजित मेलामा सिङगीङ्ग आइडल प्रतियोगितामा तेस्रो स्थान प्राप्त गरी १५ हजार, प्राप्त गरेका थिए ।