धरान/ मदन भण्डारी राजमार्गअन्तर्गत धरान–६ पानवारीमा शुक्रबार दिउँसो भएको सवारी दुर्घटनामा एक बालिकाको घटनास्थलमै मृत्यु भएको छ भने आमा सहित तीन जना घाइते भएका छन् । पूर्वबाट पश्चिमतर्फ जाँदै गरेको ट्रिपर (को १ ख ८७४५) ले सोही दिशातर्फ गइरहेको स्कुटर (को ३९ प २७४) लाई पछाडिबाट ठक्कर दिँदा दुर्घटना भएको हो । स्कुटरमा सवार ११ वर्षीया सुवास्ना बुढाथोकीको घटनास्थलमै मृत्यु भएको प्रहरीले जनाएको छ । दुर्घटनामा सुवास्नाकी आमा विना बुढाथोकी, ६ वर्षीया बहिनी नुना र छिमेकीकी छोरी सुस्मिता घाइते भएका छन् । उनीहरूको विपी कोइराला स्वास्थ्य विज्ञान प्रतिष्ठान धरानमा आकस्मिक कक्षमा उपचार
धरान/याक्थुङ युवा मञ्च सुनसरीको आयोजनामा भदौ २६ र २७ गते धरान सिटी फुटसल (पुरानो बुढासुब्बा फुटसल)मा दुई दिने भव्य फुटसल प्रतियोगिता हुने भएको छ। शुक्रबार पत्रकार सम्मेलनमार्फत जानकारी दिँदै मञ्चका अध्यक्ष विष्णु तिगेलाले प्रतियोगितामा आयोजकका दुई टोलीसहित कुल ३० वटा टोली सहभागी हुने बताए। उनका अनुसार धरान, इटहरी, खोर्साने र धनकुटाका टोलीहरूले प्रतिस्पर्धा गर्नेछन्। प्रतियोगिताको विजेताले नगद ५० हजार रुपैयाँसहित ट्रफी र मेडल पाउने छन् भने उपविजेताले नगद २५ हजार रुपैयाँ, ट्रफी र मेडल प्राप्त गर्नेछन्। साथै, हाई स्कोर, उत्कृष्ट गोलकिपर र उत्कृष्ट खेलाडीलाई पनि विशेष पुरस्कार प्रदान गरिनेछ।
धरान/ सुनसरीको झुम्का कारागारमा फैलिएको स्वास्थ्य सङ्कटलाई सम्बोधन गर्न बीपी कोइराला स्वास्थ्य विज्ञान प्रतिष्ठान (बीपीकेआईएचएस) ले द्रुत प्रतिक्रिया टोली (आरआरटी) परिचालन गरेको छ। सयौँ कैदीबन्दीमा ज्वरो, शरीर दुख्ने, नाक बन्द हुने र श्वासप्रश्वासमा समस्या देखिएपछि प्रतिष्ठानले यस्तो कदम चालेको हो। प्रारम्भिक अनुसन्धानका आधारमा भाइरल सङ्क्रमणको आशङ्का गरिएको छ। भदौ १८ गते साँझ ७ बजे कारागारमा देखिएको समस्याबारे जानकारी पाएलगत्तै अस्पताल निर्देशकको अध्यक्षतामा ९ सदस्यीय आरआरटी खटाइएको सह–प्रवक्ता डा. अभिजीत कुमारले विज्ञप्ति मार्फत जानकारी दिएका छन्। टोलीमा मेडिसिन, इमर्जेन्स
काठमाडौँ/ सरकारले बिहीबार रातिदेखि नेपालमा दर्ता नभएका फेसबुक, एक्स (ट्विटर), युट्युबसहित २५ सामाजिक सञ्जाल बन्द गर्ने निर्णय गरे पनि शुक्रबार सम्म ती सञ्जाल सामान्य अवरोध बाहेक चलिरहेका छन्। नेपाल दूरसञ्चार प्राधिकरणले बिहीबार नै सबै सेवा प्रदायकलाई पत्र पठाई तत्कालै ती सञ्जाल रोक्न निर्देशन दिएको थियो। त्यसअनुसार नेपाल टेलिकमले समेत सूचना जारी गरेर दर्ता नभएसम्म प्रयोग गर्न नपाइने बताएको थियो। तर, फेसबुक, एक्सलगायतका प्लेटफर्म अझै सञ्चालनमै रहेपछि प्रश्न उठेका छन्। सञ्चार मन्त्रालयका सूचना अधिकारी रविन्द्रप्रसाद पौड्यालले यसलाई प्राविधिक कारण भएको बताए। उनका अनुसार शुक्रबार कार्
धरान/ वुधबारदेखि यमाहा कम्पनीले मोटरसाइकलका पारखीहरुलाई ध्यानमा राखेर नेपालमा यामाहाले दुई नयाँ भेरियन्टका मोटरसाइकल सार्वजनिक गरेको छ । सार्वजनिक गरेको नयाँ सुविधायुक्त दुई वटा मोटरसाइकल धरान ८ स्थित यामाहाको आधिकारिक विक्रेता विजयपुर ट्रेडर्सले बुधबार सार्वजनिक गरेको हो ।सुनसरी उद्योग वाणिज्य संघका अध्यक्ष गोपाल श्रेष्ठ, पत्रकार महासंघ सुनसरीका अध्यक्ष सन्तोष काफ्ले र बिजयपुर ट्रेडर्स धरानका संचालक प्रभाव खतिवडाले यमाहाका दुई नयाँ मोटरसाइकल एक कार्यक्रमका बीच सार्वजनिक गरेका छन । नेपालका लागि यामाहाको आधिकारिक बिक्रेता एमएडब्लू राइड्सले भदौ ३ गते सार्वजनिक गरेको अटो शो २०२५ मा यामाहा
काठमाडौँ/ नेपालमा दर्ता नभएका सामाजिक सञ्जाल शुक्रबारदेखि निष्क्रिय भएका छन् । नेपाल दूरसञ्चार प्राधिकरणको निर्देशनपछि नेपाल टेलिकम र एनसेलले फेसबुक, म्यासेन्जर, इन्स्टाग्राम, युट्युब, ह्वाट्सएपलगायत २५ वटा सामाजिक सञ्जाल सेवा बन्द गरेका हुन् । नेपाल टेलिकमले सूचनामार्फत प्राधिकरणको पत्र, सर्वोच्च अदालतको आदेश, मन्त्रिपरिषद्को निर्णय र सञ्चार मन्त्रालयको मन्त्रिस्तरीय निर्णयअनुसार दर्ता नभएका सामाजिक सञ्जाल हालका लागि बन्द गरिएको स्पष्ट पारेको छ । त्यसैगरी, एनसेलले पनि सरकारको निर्देशनअनुसार आफ्ना प्रयोगकर्तालाई सेवा दिन रोकिएको जनाएको छ । प्राधिकरणले बिहीबार मात्र दर्ता नगरेका २५वटा
काठमाण्डौ । सररकारले वन्द गर्ने निर्णय गरेपछि फेसबुक, इन्स्टाग्राम, ह्वाट्सएपजस्ता चर्चित सोसल मिडिया प्लेटफर्मको माउ कम्पनी मेटा नेपाल सरकारको सम्पर्कमा आएको छ । आज मात्र सरकारले नेपालमा दर्ता नभएका सञ्जाल बन्द गर्न नेपाल दूरसञ्चार प्राधिकरणलाई निर्देशन दिएपछि सिंगापुरबाट मेटा कम्पनीका प्रतिनिधि सञ्चार मन्त्रालयको सम्पर्कमा आएका हुन् । उनले दर्ताका लागि के कस्ता प्रक्रिया छन् भनेर सोधीखोजी गरेपछि मन्त्रालयले आवश्यक पर्ने विवरण इमेलमार्फत पठाइसकेको प्रवक्ता गजेन्द्रकुमार ठाकुरले काेशीपत्रलाई जानकारी दिए । सञ्चार मन्त्रालयका प्रवक्ता गजेन्द्रकुमार ठाकुरका अनुसार सिंगापुरमा रहेको मेटा कम्पनीका
धरान/ नेपाल प्रज्ञा–प्रतिष्ठानको ६८ औँ वार्षिकोत्सवको अवसरमा आयोजित राष्ट्रिय कविता महोत्सव–२०८२ मा धरान–९ स्थित विष्णु मेमोरियल माध्यमिक विद्यालयका कक्षा १० का विद्यार्थी शमुएल कोइराला विश्वकर्मा १० उत्कृष्ट कविहरूमध्ये एक भएर सम्मानित भएका छन्। राष्ट्रपति भवन, शीतल निवासमा सोमबार आयोजित विशेष समारोहमा राष्ट्रपति रामचन्द्र पौडेलले शमुएलसहित १० उत्कृष्ट कविलाई रु. ४० हजार नगद पुरस्कार र सम्मानपत्र प्रदान गर्नुभयो। धरानकै गौरव बनेका शमुएललाई विद्यालय परिवारले विशेष गर्वका साथ बधाई दिएको छ। विद्यालयका प्रिन्सिपल निलम कुमार श्रेष्ठ
काठमाडौं / नेपाल सरकारले फेसबुक, युट्युब, एक्स (ट्विटर) लगायत २६ वटा सामाजिक सञ्जाल बन्द गर्ने निर्णय गरेको छ। सञ्चार तथा सूचना प्रविधि मन्त्रालयले बिहीबार सर्वोच्च अदालतको परमादेश र मन्त्रिपरिषद्को निर्णय कार्यान्वयन गर्न प्राधिकरणलाई पत्राचार गर्दै आजदेखि नै उक्त सञ्जालहरू बन्द गर्ने तयारी गरेको हो। सर्वोच्चले अनुमति नलिएका सामाजिक सञ्जाल र ओटीटी एप्सलाई तत्काल बन्द गर्न परमादेश जारी गरेको थियो। न्यायाधीशद्वय टेकप्रसाद ढुंगाना र शान्ति सिंह थापाको संयुक्त इजलासले सरकारलाई विदेशी डिजिटल प्रसारण संस्थाले नेपालमा सेवा दिनुअघि अनिवार्य रूपमा अनुमति लिनुपर्ने आदेश दिएको हो। सरकारले
वराहक्षेत्र/ वराहक्षेत्र नगरपालिका–२ स्थित चतरा अस्पतालले आर्थिक वर्ष २०८२/८३ को वार्षिक नीति तथा कार्यक्रम र बजेट सार्वजनिक गरेको छ। अस्पताल परिसरमै आयोजित कार्यक्रममा कोशी प्रदेशसभा सदस्य ममता तामाङ प्रमुख अतिथि रहिन् भने नगरप्रमुख रमेश कार्की, उपप्रमुख नन्दकुमारी सुनुवार, जनप्रतिनिधि, विभिन्न संघसंस्थाका प्रतिनिधि तथा सरोकारवालाको उपस्थितिमा कार्यक्रम सम्पन्न भयो। कार्यक्रममा अस्पताल व्यवस्थापन समितिका अध्यक्ष तथा वडा नं. २ का अध्यक्ष होमप्रसाद गौतमले अध्यक्षता गरेका थिए। उपाध्यक्ष प्रदीप बस्नेतले गत वर्षको आर्थिक प्रतिवेदन, प्रगति विवरण, आगामी योजना तथा रणनीति प्रस्तुत गरेका थिए।
