_1693980289.gif "#")
धरान/याक्थुङ युवा मञ्च सुनसरीको आयोजनामा भदौ २६ र २७ गते धरान सिटी फुटसल (पुरानो बुढासुब्बा फुटसल)मा दुई दिने भव्य फुटसल प्रतियोगिता हुने भएको छ।
शुक्रबार पत्रकार सम्मेलनमार्फत जानकारी दिँदै मञ्चका अध्यक्ष विष्णु तिगेलाले प्रतियोगितामा आयोजकका दुई टोलीसहित कुल ३० वटा टोली सहभागी हुने बताए।
उनका अनुसार धरान, इटहरी, खोर्साने र धनकुटाका टोलीहरूले प्रतिस्पर्धा गर्नेछन्।
प्रतियोगिताको विजेताले नगद ५० हजार रुपैयाँसहित ट्रफी र मेडल पाउने छन् भने उपविजेताले नगद २५ हजार रुपैयाँ, ट्रफी र मेडल प्राप्त गर्नेछन्।
साथै, हाई स्कोर, उत्कृष्ट गोलकिपर र उत्कृष्ट खेलाडीलाई पनि विशेष पुरस्कार प्रदान गरिनेछ।
कार्यक्रममार्फत सामाजिक उत्तरदायित्व अन्तर्गत बाल तथा वृद्ध आश्रमलाई सहयोग गर्ने योजनासमेत मञ्चले सार्वजनिक गरेको छ।
