इटहरी/ नेपालका लागि टिभिएस ब्रान्डको आधिकारिक वितरक जगदम्बा मोटर्स प्रा.लि. द्वारा आयोजित ‘टिभिएस एक्सचेञ्ज म्यानिया’ मेला भोलि (शुक्रबार) सम्पन्न हुँदैछ। इटहरी पश्चिम लाइनस्थित राजस्व ढाटमा चैत १ गतेदेखि सञ्चालनमा रहेको मेलाले छोटो समयमै उत्साहजनक सफलता हासिल गरेको छ। पाँच दिनको अवधिमा ९० भन्दा बढी सवारीसाधन बिक्री भइसकेका छन् भने पुराना सवारी साटेर नयाँ किन्ने ग्राहकको उल्लेख्य सहभागिता देखिएको आयोजकले जनाएको छ। आयोजकका अनुसार, जुनसुकै कम्पनीका पुराना बाइक ल्याउँदा ग्राहकले उच्चतम मूल्याङ्कन, विशेष छुट, सहज किस्ताबन्दी सुविधा र इन्जिनमा आजीवन वारेन्टीसम्म पाउने व्यवस्था ग
धरान/ सामाजिक सञ्जाल फेसबुकमार्फत महिला पत्रकारको चरित्रहत्या गरेको आरोपमा धरानमा एक जना पक्राउ परेका छन् भने अन्य संलग्नको खोजी तीव्र पारिएको छ। धरान उपमहानगरपालिका–१२ निवासी फुर्वा शेर्पालाई असान्दर्भिक भिडियो पोस्ट गर्दै गालीगलौज तथा अपमानजनक टिप्पणीमार्फत पत्रकार महिलाको चरित्रहत्या गरेको आरोपमा प्रहरीले नियन्त्रणमा लिएको हो। पीडित पत्रकारले दिएको किटानी जाहेरीका आधारमा उनलाई पक्राउ गरिएको प्रहरीले जनाएको छ। उनविरुद्ध विद्युतीय (इलेक्ट्रोनिक) कारोबार ऐन, २०६३ को दफा ४७(१) अन्तर्गत मुद्दा दर्ता गरिएको छ। हाल उनलाई म्याद थप गरी थप अनुसन्धान अघि बढाइएको छ। घटनामा संलग्न अन्य चा
धरान/ धरान–१४ स्थित ऐतिहासिक तथा धार्मिक तीर्थस्थल श्री पिण्डेश्वर महादेव मन्दिरमा ‘दोस्रो पिण्डेश्वर रथ यात्रा’ तथा रथोत्सव आजदेखि भव्य रूपमा सुरु हुँदैछ। चैत्र ५ गतेदेखि १९ गतेसम्म सञ्चालन हुने यस महोत्सवका सम्पूर्ण तयारी पूरा भएको आयोजकले जनाएको छ। पिण्डेश्वर बाबाधाम समिति र मन्दिर व्यवस्थापनको संयुक्त आयोजनामा हुने यस रथोत्सवले प्राचीन धार्मिक परम्परालाई पुनर्जीवित गर्ने लक्ष्य लिएको छ। रुद्राक्षारण्य महात्म्यमा उल्लेखित ऐतिहासिक महत्वलाई निरन्तरता दिँदै महोत्सव आयोजना गर्न लागिएको समितिका अध्यक्ष विकास बनेपालीले जानकारी दिए। महोत्सव अवधिभर दैनिक बिहान ९ बजेदेखि
पानबारी/ “शिक्षाका लागि सङ्गीत” भन्ने मूल नारासहित प्रतिभा खोजी अभियानका रूपमा सञ्चालन हुँदै आएको एसईई आइडल–६ को तयारी धरानमा सुरु भएको छ। सन् २०१९ देखि निरन्तर आयोजना हुँदै आएको यस प्रतियोगिताको छैटौं संस्करणको पहिलो खुल्ला अडिसन आगामी २०८३ साल वैशाख ५ गते (शनिबार) हुने आयोजकले जनाएको छ। एफ.टि.एल. अनलाइन टिभी फक्ताङ्लुङ खबर को आयोजनामा प्रत्येक वर्षझैं यस वर्ष पनि धरानमै कार्यक्रम सञ्चालन हुने भएको हो। एसईई परीक्षा दिएर बसेका विद्यार्थीहरूको प्रतिभा उजागर गर्ने उद्देश्यसहित आयोजना हुँदै आएको यो प्रतियोगिता प्रदेशस्तरीय हो। प्रतियोगितामा खुल्ला गायन, नृत्य र वक्तृत्वक
धरान/ धरान उपमहानगरपालिकाका कार्यपालिका सदस्य विकास भाटीले जिल्ला ट्राफिक प्रहरी कार्यालय, सुनसरीलाई १७ थान ‘ह्वील लक’ सहयोग गरेका छन्। ट्राफिक व्यवस्थापनलाई प्रभावकारी बनाउन उक्त सामग्री ट्राफिक प्रहरी कार्यालयलाई उपलब्ध गराइएको हो। मंगलबार भाटीले कार्यालयमै ट्राफिक प्रहरीका प्रहरी निरीक्षक अनिल माबोहाङलाई उक्त सामग्री हस्तान्तरण गरेका हुन्। उनले कार्यपालिका सदस्यमा छुटिदै आएको बजेटबाट ५० हजार बराबरको ‘ह्वील लक’ खरिद गरि हस्तान्तरण गरेको बताएका छन्। जिल्ला ट्राफिक प्रहरी कार्यालय सुनसरीका प्रहरी निरीक्षक अनिल माबोहाङले सवारीसाधन पार्किङ गर्दा व्यवस्थित रूप
धरान/ खानेपानी संकटसँग जुधिरहेको धरानमा श्रमदानबाट ल्याइएको पानीले राहत त दियो, तर अहिले यही पानीको स्वामित्व र व्यवस्थापनको विषयले नयाँ विवाद जन्माएको छ। कोकाहा खोलाबाट स्थानीयले पसिना बगाएर ल्याएको पानी कसरी प्रयोग गर्ने भन्नेमा मतभेद देखिएको हो। निवर्तमान मेयर तथा प्रतिनिधिसभा सदस्य हर्कराज राईले खानेपानी बोर्डप्रति असन्तुष्टि जनाउँदै श्रमदानको सम्मान हुनुपर्ने बताएका छन्। उनले श्रमदानका क्रममा पिउने पानीका लागि बोर्डसँग ट्यांकर माग्दा समयमै उपलब्ध नगराइएको आरोप लगाए। “मेहनतको कदर भएन,” भन्दै उनले अब श्रमदानबाट ल्याइएको पानी बोर्डको ट्यांकीमा नराखी सिधै जनतालाई वितरण गर्न
धरान / कोशी प्रदेशका लोहार समुदायले आफ्नो धार्मिक परम्परा संरक्षण गर्ने उद्देश्यसहित धरान–६ पानबारीस्थित रायचौरीमा धार्मिक बनसहित मन्दिर स्थापना गरेका छन्। पाँचकन्या सामुदायिक वन क्षेत्रभित्र निर्माण गरिएको उक्त मन्दिरमा अहिले लोहार दाजुभाइसँगै अन्य हिन्दु धर्मावलम्बीहरू पनि पूजा–पाठ गर्न आउने गरेका छन्। भोजपुरको दुङ्मानामा जन्मिएका लोहार समुदायले वि।सं। २०५४ सालमा “खन्यवासी औतारी मन्दिर” स्थापना गरी पूजा–आराधना सुरु गरेका थिए। सुरुवातमा अर्काको निजी जमिनमा निर्माण गरिएको मन्दिरलाई दीर्घकालीन रूपमा संरक्षण गर्न कठिन भएपछि पाँचकन्या सामुदायिक वन क्षेत्रमा सारिएको
वराहक्षेत्र/ वराहक्षेत्र नगरपालिकामा महुली लघुवित वित्तीय संस्था लिमिटेड शाखा कार्यालय बाङ्गे बजार सुनसरीले बिद्यार्थीहरुलाई एक दिवसिय वित्तीय साक्षरता सम्बन्धी कार्यक्रम आयोजना गरेको छ । मङलवार महुली लघुवित वित्तीय संस्था लिमिटेड शाखा कार्यालय बाङ्गे बजार सुनसरीले वराहक्षेत्र नगरपालिका वडा नं ७ तित्रिगाछिमा रहेको महेन्द्र माध्यमिक बिद्यालयमा कक्षा ११ मा अध्यनरत बिद्यार्थीहरुलाई उक्त बित्तीय साक्षरता सम्बन्धी प्रशिक्षण कार्यक्रम आयोजना गरेको थियो । बिद्यार्थीहरुलाई वित्तीय संस्था, वित्तीय क्रियाकलापहरूको बारेमा ज्ञान प्रदान , वित्तीय निर्णयहरु साथै व्यक्तिहरूले बैंकमा बचत खाता खोल्न, बचत गर्
इटहरी/ सुनसरीको रामधुनीकी ४४ वर्षीया तेजकुमारी परियार ब्लड क्यान्सरसँग जुधिरहेकी छन्। गम्भीर रोगसँग संघर्ष गरिरहेकी आमाको जीवन बचाउन अहिले उनकी छोरी सुनेना परियारले सहयोगको अभियान सुरु गरेकी छन्। आमाको स्वास्थ्य अवस्था एक्कासी बिग्रिएपछि विराटनगरस्थित विराट टिचिङ अस्पतालमा जाँच गराउँदा तेजकुमारीलाई ब्लड क्यान्सर भएको पुष्टि भएको थियो। त्यसपछि थप उपचारका लागि उनलाई काठमाडौंको सिभिल अस्पतालमा भर्ना गरियो। चिकित्सकले उच्चस्तरीय उपचार आवश्यक रहेको भन्दै भारतको दिल्ली लैजान सुझाव दिएपछि परिवारले सोमबार उनलाई दिल्ली लगेको छ। तर, उपचारका लागि झण्डै ४० देखि ५० लाख रुपैयाँसम्म खर्च लाग्ने अनुम
धरान/ कोशी प्रदेशमा दलित अधिकारसम्बन्धी ऐन निर्माणमा भइरहेको ढिलाइप्रति दलित अधिकारकर्मी, जनप्रतिनिधि तथा सरोकारवालाहरूले गम्भीर असन्तुष्टि जनाएका छन्। उनीहरूले दलित अधिकार सुनिश्चित गर्न बजेटसहितको बाध्यात्मक कानुन अविलम्ब प्रदेशसभामा पेस गर्न प्रदेश सरकारसँग माग गरेका छन्।नेपालको संविधानले दलित समुदायका लागि महत्वपूर्ण मौलिक हक सुनिश्चित गरे पनि कोशी प्रदेश र स्थानीय तहमा दलित अधिकारसम्बन्धी ऐन निर्माणमा ढिलाइ हुँदा ती अधिकारहरूको प्रभावकारी कार्यान्वयन हुन नसकेको सरोकारवालाहरूको भनाइ छ। उनीहरूका अनुसार कानुन नहुँदा तथा बनेका कानुनमा पर्याप्त बजेट नहुँदा दलित सशक्तीकरणका कार्यक्रमहरू
