धरानमा ‘एसईई आइडल–६’ को तयारी सुरु, निःशुल्क फारम वितरण

पानबारी/ “शिक्षाका लागि सङ्गीत” भन्ने मूल नारासहित प्रतिभा खोजी अभियानका रूपमा सञ्चालन हुँदै आएको एसईई आइडल–६ को तयारी धरानमा सुरु भएको छ।

सन् २०१९ देखि निरन्तर आयोजना हुँदै आएको यस प्रतियोगिताको छैटौं संस्करणको पहिलो खुल्ला अडिसन आगामी २०८३ साल वैशाख ५ गते (शनिबार) हुने आयोजकले जनाएको छ।

एफ.टि.एल. अनलाइन टिभी फक्ताङ्लुङ खबर को आयोजनामा प्रत्येक वर्षझैं यस वर्ष पनि धरानमै कार्यक्रम सञ्चालन हुने भएको हो।

एसईई परीक्षा दिएर बसेका विद्यार्थीहरूको प्रतिभा उजागर गर्ने उद्देश्यसहित आयोजना हुँदै आएको यो प्रतियोगिता प्रदेशस्तरीय हो। प्रतियोगितामा खुल्ला गायन, नृत्य र वक्तृत्वकला गरी तीन विधामा सहभागिता जनाउन सकिने आयोजक तथा संस्थापक अध्यक्ष डम्बर तुम्बापो ले जानकारी दिएका छन्।

प्रतियोगिताका विजेताहरूले ट्रफीसहित रु. १ लाख नगद पुरस्कार, २ वर्षसम्म १०० प्रतिशत निःशुल्क छात्रवृत्ति, निःशुल्क बारिष्टा तालिम तथा मुस्ताङ भ्रमणको अवसर प्राप्त गर्नेछन्।

कोशी प्रदेशभरिका विद्यार्थीहरूले सहभागिता जनाउन सक्ने यस प्रतियोगिता पूर्ण रूपमा निःशुल्क रहेको छ। हाल फारम वितरण जारी रहेको र इच्छुकले ९८५२०६२१९२ मा सम्पर्क गर्न सक्ने आयोजकले जनाएको छ।