झापा/ झापाको मेचीनगरमा तास खेलिरहेको अवस्थामा प्रहरीले सात जनालाई नगदसहित पक्राउ गरेको छ।
मेचीनगर–१० धुलाबारीमा अवस्थित जमिन राईकाे सेकुवा कर्नरको पछाडिपट्टि टिनको छानो भएको काेठामा जुवातास खेलिरहेको गोप्य सूचना पाएपछि इलाका प्रहरी कार्यालय धुलाबारीबाट खटिएको प्रहरी टोलीले खानतलासी गरेको थियो।
खानतलासीका क्रममा तास खेलिरहेको अवस्थामा किरण लम्साल, विशाल लावती, हर्कराज राई, प्रकाश लावती, सागर बस्नेत, मेदनी बराल र शेखरनाथ भण्डारी पक्राउ परेका हुन्।
प्रहरीले उनीहरूको साथबाट ८ बुङ तास र १ लाख ८ हजार ५ सय २० रुपैयाँ नगद बरामद गरेको जनाएको छ।
पक्राउ परेका उनीहरूमाथि जुवा खेल्ने वा सट्टेबाजी गर्न नहुने कसुरमा झापा जिल्ला अदालतबाट चार दिनको म्याद थप गरी थप अनुसन्धान भइरहेको प्रहरीले जनाएको छ।
