ताप्लेजुङ/ ताप्लेजुङको सिदिङ्वा गाउँपालिका–३ मा गए राति आएको पहिरोले एक परिवारको घर पुरिँदा चार जना घाइते भएका छन्।
स्थानीय हस्तबहादुर कटुवालको घर माथिबाट आएको पहिरोले पुरिँदा उनीसहित उनकी श्रीमती ठगमाया कटुवाल, छोरा जगत् कटुवाल र छोरी सम्झना कटुवाल घाइते भएका हुन्।
स्थानीय मौसम सेलिङका अनुसार घरमाथिको कुलो थुनिएर पहिरो खसेको थियो।
घटना लगत्तै कटुवाल परिवारलाई छिमेकीहरूले उद्धार गरेका थिए।
प्रहरीका अनुसार घाइतेमध्ये तीन जनाको अवस्था गम्भीर रहेको छ। उनीहरूलाई थप उपचारका लागि पाँचथर लैजाने तयारी भइरहेको जनाइएको छ।
