धरानमा रातको १ बजे प्रहरीको आकस्मिक छापा!५ हजारभन्दा बढी ट्रामाडोलसहित दम्पती पक्राउ,

धरान/ धरान उपमहानगरपालिकामा प्रहरीको साहसी कारवाही! रातको १ बजे अचानक प्रहरीको टोली लक्ष्मण मार्गस्थित डेरामा छापा मार्दै प्रतिबन्धित लागू औषधको ठूलो जथाभाव बरामद गरिएको छ।

गोप्य सूचनाको आधारमा खटिएको वडा प्रहरी कार्यालय धरानको टोलीले धनुषा, जनकपुरधाम घर भई धरान-१५ मा डेरा गरी बसिरहेका २५ वर्षीय राहुल शाह र उनकी २४ वर्षीया श्रीमती लक्ष्मी राईलाई पक्राउ गरेको हो।

छापा मार्नेबित्तिकै चकित बनाउने खुलासा!

दम्पतीको कोठा खानतलासी गर्दा लुकाईछिपाई राखिएको अवस्थामा ५ हजार ५० थान ट्रामाडोल क्याप्सुल फेला पारिएको प्रहरीले जनाएको छ। यो परिमाणको औषधि व्यक्तिगत प्रयोगका लागि होइन, सञ्जालगत कारोबारकै संकेत हो।

अवैध धन्दा धरानमै?

प्रहरीको प्रारम्भिक अनुसन्धान अनुसार, दम्पती लागू औषधको अवैध कारोबारमा संलग्न रहेको पत्ता लागेको छ। धरानको शान्त वातावरणभित्रै यस्तो अपराधीक सञ्जाल सञ्चालन भइरहेकाले प्रहरी अझ सतर्क बनेको छ।

अब कडा कारवाही!

दुवैलाई लागू औषध नियन्त्रण ऐनअन्तर्गत मुद्दा दर्ता गरी इलाका प्रहरी कार्यालय धरानमा राखेर थप अनुसन्धान थालिएको छ। घटनाले धरान क्षेत्रमा मौलाउँदै गएको लागू औषध समस्या प्रति समाज र राज्य दुवै संवेदनशील बन्नुपर्ने संकेत दिएको छ।

सन्देश स्पष्ट छ – अपराध जहाँ भए पनि लुक्न पाउँदैन!

प्रहरीको यस्तो कदमले धरानमा फैलँदै गएको दुर्व्यसनविरुद्धको अभियानलाई बल पुगेको स्थानीयवासीको प्रतिक्रिया छ।