चुनु हत्या प्रकरण,मुख्य योजनाकार श्रीमान सहित ६जना पक्राउ

धरान । सुनसरीको धरान ६ पानबारीको वन परिसरमा भएको चुनु कुमारी दाहालको हत्यामा उनकै श्रीमानको योजना भएको खुलेको छ ।
पानबारीको श्री पाँचकन्या सामुदायिक बनमा चैत्र २५ गते सोमबार चुनु कुमारी दहालको हत्या भएको थियो । प्रहरीले विहीबार उनको श्रीमान सहित ६ जनालाई सार्वजनिक गरेको छ । धरानमा पत्रकार सम्मेलन गरि उनीहरुलाई इलाका प्रहरी कार्यालय धरानमा सार्वजनिक गरेको हो । पत्रकार सम्मेलनमा जिल्ला प्रहरी कार्यलय सुनसरीका एस एस पि सुमन तिम्सिनाका अनुसार श्रीमान प्रेम दाहालको योजनामा भएको प्रहरीको अनुसन्धानबाट खुलेको बताए ।

उनका अनसार हत्या गराउनको लागि भारतीयलाई भारु ५ लाख रुपैँया सुपारी दिएको पनि खुलेको छ । प्रहरीले भारतीयलाई पनि खोजी कार्य तीव्र पारेको छ । प्रहरीका अनुसार योगेन्द्र गौतमलाई चैत ३० गते नेपाल भारत सिमाना काकडभिट्टाबाट पक्राउ गरिएको थियो । मृतकको श्रीमान मुख्य योजनाकार दाहाललाई निजको घर परिवारसँग समन्वय गरी नेपाल झिकाएर वैशाख ३ गते पक्राउ गरि विहीबार सार्वजनिक गरेको हो । यस अघि थप चार जनालाई प्रहरी पक्राउ गरिसकेको छ ।

साथै भारतिय नागरिक राजु थापा फरार रहेका छन् । प्रहरीको अनुसन्धानबाट घटनाको मुख्य कारण आपसी मनमुटाव र आर्थिक प्रलोभन रहेको प्रहरीले जनाएको छ । हत्यापछि सुनसरी प्रहरी र प्रदेश प्रहरी कार्यालय विराटनगरले संयुक्त रूपमा अनुसन्धान थालेका थिए।