_1693980289.gif "#")
- संगम विष्ट
बराहक्षेत्र/ महिलाहरुको बयरबन महिला बचत तथा ऋृण सहकारी संस्था लिमिटेडले एक दिने निःशुल्क आँखा शिविर संचालन गरेको छ ।
बराहक्षेत्र नगरपालिका वडा २ बयरबनको सखुवागाछी स्थित संस्थाको कार्यालय भवनमा सोमबार गरिएको शिविरमा इटहरीको वडा ४ स्थित नव दृष्टि आई हस्पिटल प्राली वाट आएका ६ जना चिकित्सकले जाँच गरेका थिए ।
डाक्टर राकेश थापाको नेतृत्वमा आएका डा. अन्जली साह, निरन राई, सीता लिम्बु, अर्जुन मांझी र इन्द्र गिरिले १ सय ६२ जनाको आँखा जाँच गरि निःशुल्क औषधि बितरण गरेका थिए ।
जाँच गरिएका मध्य २० जनामा मोतिविन्दु भेटिएको थियो ।
८ जनाको सोही दिन हस्पिटलको गाडीमा राखी इटहरी स्थित नव दृष्टि आई हस्पिटलमा आंखाको सल्यक्रिया गरिएको थियो भने वांकीलाई हप्ता दिन भित्रमा अप्रेसन गरिने सहकारीकि अध्यक्ष रेनुका तिमिल्सिनाले बताईन ।
यसैगरी शिविरमा १५ जनालाई २० प्रतिशत छुट चस्मा उपलब्ध गराईएको तिमिल्सिनाले बताईन ।
सामाजिक उत्तरदायित्व अन्तर्गत विशुद्ध महिलाहरुको बयरबन सहकारीले विभिन्न सामाजिक गतिविधि तथा सदस्यको आर्थिक उपार्जन र स्वरोजगारको लागि गुडिया, पोते, माला, हातको बाला, कुसन बनाउने लगायत तालिम गराउने गरेको छ ।
