धरान/ भोजपुर सुनसरी सेवा समाज धरानको आयोजनामा भएको रक्तदान कार्यक्रममा ७१ पिन्ट रगत संकलन भएको छ ।
आइतबार बिपि कोइराला स्वास्थ्य बिज्ञान प्रतिष्ठान परिसरमा गरिएको रक्तदान कार्यक्रममा ७१ पिन्ट रगत संकलन गरिएको हो । नेपाल रेडक्रस सोसाइटी सुनसरीको प्राबिधिक सहयोगमा भएको रक्तदान कार्यक्रममा संकलित रगत प्रतिष्ठानको ब्लड बैंकमा बुझाइएको छ ।
कार्यक्रममा संस्थाका पदाधिकारी, सदस्यहरुले रक्तदान गरेका थिए ।
नेपाल रेडक्रस सोसाईटिका केन्द्रीय सदस्य तथा सुनसरी जिल्ला शाखा सभापति उमेश थापाको प्रमुखआतिथ्यता रहेको थियो । संस्थाका अध्यक्ष रेवतिरमण राईको सभापतित्वमा भएको कार्यक्रममा स्वागत मन्तब्य उपाध्यक्ष प्रतापसिं राईले गरेका थिए ।
कार्यक्रममा संस्थाका सल्लाहाकार तथा संविधान सभाका माननीय किरण राईले शुभकामना मन्तब्य राखेका थिए भने सञ्चालन सचिब भुवन सि बस्नेतले गरेका थिए ।
पुर्ख्यौली थलो भोजपुर भै सुनसरीमा बस्दै आएका भोजपुरेहरुको सामुहिक संस्था भोजपुर सेवा समाजले विभिन्न सामाजिक कामहरु गर्दै आएको छ ।