_1693980289.gif "#")
रंगेली/ जाडो याम सुरु भए संगै तराई क्षेत्रका अति बिपन्न घर परिवारका महिलाहरु भक्काको व्यवसाय बाट मनग्ये आम्दानी गरिरहेका छन ।
मंसिर महिना देखि सुरु हुने भक्का व्यपार माघ महिना सम्म बिहानै ५ बजे देखि रंगेली बजारको बसपार्क, मुख्य बजार, अस्पताल चोक, तेत्रि टोल, र पिपल चोक, शुक्रबारे, ईलाका प्रशासन चोक लगायतका स्थानहरुमा महिलाहरुले भक्का ब्यापार गर्ने गरेका छन ।
उनिहरुले चामल लाई दिन भरी भिजाएर साँझको समयमा ओखली वा ढिक्किको माध्यमबाट पिठो तयारी बनाउने गर्देछन । पिठोलाई एउटा भाडामा पानी उमालेर पानीको बाफमा बाफमा पकाउने गर्दछन ।
भक्का तयारी पारेर उनिहरुले प्रतिगोटा १० रुपैयाँ र आलुचप प्रतिगोटा ५ रुपैयाँ सम्म बिक्रीवितरण गरिरहेका छन । महिला ब्यापारीहरु बिहानै ५ बजे देखि १० बजे सम्म १० केजि सम्मको पिठोको भक्का बेच्ने गरेका छन ।
यस क्षेत्रका बालबालिका देखि बृद्ध, तथा युवाहरु समेत भक्का बडि मात्रामा रुचाउने गर्दछन ।
उनिहरुले भक्कालाई बिहानको खाजाको रुपमा पनि लिने गरेका छन् । रंगेलीका ४५ बर्षिया हिरादेवि मंण्डलले दैनिकी ८ सय देखि एक हजार रुपैयाँ सम्म भक्का र आलुचप बिक्री गरेर कमाउने गरेको बताईन । बिहानको समयमा भक्कालाई नास्ताको रुपमा सर्वसाधारणहरुले अत्याधिक मन पराउने गरेकोे स्थानीय हरिया देवि साह बताउँछिन् ।
अहिले भक्का सँगसंगै आलुचपको बिक्री समेत बडेको स्थानीय व्यपारीहरुको भनाई छ ।
