_1693980289.gif "#")
धरान/ नेपाल प्रहरी श्रीमती संघले धरान उपमहानगरपालिकाको धार्मिक पर्यटकीय क्षेत्र विजयपुरमा रहेको मठमन्दिर सरसफाई गरेको छ ।
सामाजिक कार्यमा संक्रिय संघले देशका विभिन्न ठाउँका मठमन्दिर सरसफाइसँगै धरान १४ विजयपुरमा रहेका मठमन्दिर सरसफाइ गरेको हो ।
नेपाल प्रहरी श्रीमती संघ कोशी प्रदेशले धरान १४ विजयपुरमा रहेका मठमन्दिर सरसफाई गरेको छ । मठमन्दिरमा सरसफाई अभियान नै थालेको संघले दशैको अवसरमा दुर्गा मन्दिर परिषर सरसफाई गरेको थियो भने रामजानकी मन्दिर समेत सरसफाइ गरेको थियो ।
यसैको निरन्तता स्वस्प धरानको विजयपुरमा रहेको दन्तकाली तथा बुढासुब्बा मन्दिर सरसफाइ गरेको हो । मन्दिरमा जथाभावि जल चढाउने, अछेता प्रयोग गर्ने लगायतका फोहोरले मन्दिर प्रदुषित हुदै गएपछि मठ मन्दिर सफाईलाई तिब्रता दिइएको संघकी अध्यक्ष अजिता देवकोटाले बताइन् ।
स्थानीय सरकारले मठ मन्दिरको संरक्षण गरे पनि यसमा सबैले साथ दिएमात्र संरक्षण हुने १४ नं. वडा समितिका अध्यक्ष कृष्णप्रसाद भट्टराईले बताए ।
संघले जस्तै अन्य संघ संस्थाले मठ मन्दिरको सरसफाई गर्ने हो भने मठ मन्दिर पवित्र हुने उनले बताए । उनले श्रीमति संघले गरेको सरसफाई साच्चैको सह्रानीय काम भएको भन्दै धन्यवाद दिए ।
संघले स्थापना कालदेखि नै सरसफाईमात्र हैन गरिब तथा असहाय विद्यार्थीहरुलाई छात्रवृत्ति, शैक्षिक सामागी वितरण, सहाराविहिन लाई सहयोगका कामहरु गर्दै आइरहेको छ ।
