_1693980289.gif "#")
धरान/ नेपालीहरुको राष्ट्रिय पर्व दशै नजिकिदै जाँदा धरानको धार्मिक क्षेत्र आसपासका सडक सरसफाई शुरु भएको छ ।
अन्य दिनमा सरसफाई नभए पनि चाडवाड नजिकिएसँगै धरान १४ विजयपुर क्षेत्रमा रहेका सडकहरु सरसफाइ गरिएको हो ।
सरसफाई अभियानको अगुवाई पूर्व प्रहरी संघ धरानले गरेको छ । यसमा वहालवाला प्रहरीले समेत प्रहरीलाई सहयोग गरेको छ ।
धरान १४ विजयपुरमा रहेको दन्तकाली मन्दिरदेखि दुईधारेसम्म रहेका सडक आसपासमा भएका फोहोरहरु सरसफाई गरिएको हो ।
बहालवाला प्रहरी र पूर्व प्रहरी गरेर १ सय जनाको टोलीले सरसफाई गरको पूर्व प्रहरी संघ धरानका अध्यक्ष कालुराम राईले बताए ।
उनले सरसफाई अभियान निरन्तर गर्ने बताए ।
विगतमा मुख्य सडकमात्र सरसफाई गर्ने गरिन्थ्यो तर अहिले भने दुईधारेदेखि सिढीबाट दन्तकालीसम्म पुग्ने शाखा बाटो सरसरसफाई गर्दा दशैमा शक्तिपीठमा आउने सर्वसाधारणलाई सहज हुने मन्दिरका पूजारी कमल भट्टराईले बताए ।
धार्मिक पर्यटकीय क्षेत्रको सरसफाई विभिन्न संघ संस्थाले गरिरहँदा १४ नं. वडाले समेत तदरुकता देखाइरहेको अवस्थामा धार्मिक क्षेत्रमा भएको सडकको नियमित सरसफाइका लागि वडाबाट छलफल भइरहेको वडाध्यक्ष कृष्णप्रसाद भट्टराईले बताए ।
