_1693980289.gif "#")
मोरङ/ दसैंलाई लक्षित गरेर विराटनगरमा फुड फेस्टिवल आयोजना गरिने भएको छ ।
दसैंको अवसर पारेर असोज २८ गतेदेखि सात दिनसम्म मञ्जिना मुभिज क्रिएसन र भाजु युवराज फाउण्डेसनले फुड फेस्टिवल सञ्चालन गर्न लागेको हो ।
विराटनगरमा पत्रकार सम्मेलन आयोजना गरी असोज २८ गतेदेखि कात्तिक ४ गतेसम्म फुड फेस्टिवल आयोजना गर्ने तयारी भएको भाजु युवराज फाउण्डेसनका युनेशराज श्रेष्ठले जानकारी दिए ।
विगतमा जस्तै विराटनगरको हिमालय रोडमा फेस्टिवल आयोजना गरिने पत्रकार सम्मेलनमा जानकारी दिइएको छ ।
दसैं मनाउन घर फर्किएकाहरुलाई लक्षित गरेर फुड फेस्टिवल आयोजना गर्न लागेको आयोजकले जनाएको छ ।
यसले आगन्तुकहरुलाई मनोरञ्जन प्रदान गर्ने, स्थानीय पर्यटन प्रवद्र्धन हुने र विभिन्न खानाको परिकारको परिचयसँगै नयाँ स्वादमा उपभोक्ताहरु समाउन सक्ने आयोजकले जनाएको छ ।
फुड फेस्टिवलमा नेवारी, मारवाडी, थारू लगायत विभिन्न जातिका करिव २५ वटा स्टल राख्ने आयोजकको तयारी रहेको पत्रकार सम्मेलनमा जानकारी दिइएको छ ।
त्यस अवसरमा सांगीतिक कार्यक्रम पनि समावेश गर्ने आयोजकले जनाएको छ । फुड फेस्टिवल आयोजना गर्न झण्डै ३१ लाख रुपैयाँ खर्च हुने अनुमान आयोजकले जनाएको छ ।
