_1693980289.gif "#")
धनकुटा/ माछाको मासुलाई अन्य मासु भन्दा स्वस्थकर मानिन्छ । विरामीलाई समेत रातो तथा बोसो भएको मासु नखान र माछा प्रसस्त खान सुझाव दिन्छन् तर व्यवस्थित र मापदण्डविपरीत सञ्चालन भएका माछाले त्यसको ठीक विपरीत अस्वस्थ बनाइरहेको छ ।
धनकुटामा पनि यस्ता मापदण्ड विपरीत माछा पसलहरु सञ्चालन गरेको पाइएको छ । भेटेनरी अस्पताल तथा पशु सेवा विज्ञ धनकुटाले गरेको अनुगमनका क्रममा हिलेमा सञ्चालन भएका माछा पसल मापदण्ड विपरीत र अस्वस्थ रहेको पाइएको छ ।
धनकुटा जिल्लामा संञ्चालित एक दर्जन माछा पसलमा अनगुगमन गर्दा अधिकांश खुल्ला स्थानमै सञ्चालन गरेको पाइएको छ भने डिफ्रिज समेत नराखेको पाइएको भेटेनर अस्पताल तथा पशु सेवा विज्ञ धनकुटाका पशु प्राविधिक पुष्प दाहालले जानकारी दिए ।
अनुगमनमा क्रममा धनकुटा तथा हिलेमा सञ्चालित माछा पसल व्यवस्थित बधशाला नभएको, सरसफाइमा हेलचेक्र्याइ गरेको,
मासु काट्ने स्थान तथा मासुबाट निस्कने फोहोर व्यबस्थापनमा समस्या रहेको भेटेरीनरी अस्पताल तथा पशु सेवा बिज्ञ केन्द्र धनकुटाका पशु प्राबिधि दाहालले जानकारी दिए । अनुगमनकै क्रममा जिल्लामा सञ्चालित भेटेरीनरी पसलमा केहीमा म्याद सकिएको औसधि समेत पाइएको उनले जानकारी दिए ।
धनकुटा बजार, हिले र सिदुवा बजारका दुइ दर्जन भन्दा बढी भेटेरीनरी, मासु, माछा पसल र बधसालामा अनुगमन गरिएकोमा अधिकांश मापदण्ड विपरीत भएको पाइएको थियो ।
