_1693980289.gif "#")
धरान /कोशी प्रदेशको पाँचौ मुख्य मन्त्रीमा नेपाली काँग्रेसका नेता उद्धव थापा चुनिएका छन् ।
प्रदेशका मुख्य मन्त्री बनेका नेपाली काँग्रेसको कोशी प्रदेश सांसदीय दलका नेता थापाको राजनीतिकलाई संक्षेपमा भन्नुपर्दा उनी नेपाली काँग्रेसका पुराना कार्यकर्ता हुन् ।
झापा जिल्लाका बासिन्दा उद्धव थापाले बीपी कोइरालाको सुरक्षा दस्ता हुदै काँग्रेस प्रदेश सभापति सम्मको तय गरिसकेका छन् ।
२०३४ सालमा विद्यार्थी राजनीतिबाट राजनीतिक यात्रा शुरु गरेका थापा दुई कार्यकाल सभापति, २०३६ सालको जनमत संग्रहमा पञ्चायती व्यवस्था विरुद्ध बहुदलीय व्यवस्था स्थापनाका लागि उनी प्रचार अभियानमा सक्रिय भएर लागेका थिए ।
बीपी कोइरालाको सुरक्षा दस्तामा सहभागी भएका थापा नेपाली काँग्रेस अर्जुधारा गाउँपालिकाको सचिव र सभापति भएर एक एक कार्यकाल कुशलतापूर्वक सम्पन्न गरेका थिए ।
झापा क्षेत्र नं. २ को क्षेत्रीय सभापति, जिल्ला सचिव, जिल्ला उपसभापति र दुई कार्यकाल जिल्ला सभापतिको काम गरेका थिए । थापा दोस्रो जनआन्दोलनका क्रममा पक्राउ परेका थिए ।
तत्कालीन साही नेपाली सेनाको मातहतमा रहेको युनिफाइड कमाण्डले पक्राउ गरेर झापा चारआलीस्थित सैनिक व्यारेकमा राखेर उनलाई यातना दिइएको थियो ।
थापाले वाणिज्य शास्त्रमा स्नातक गरेका छन् ।
दुई पटक प्रतिनिधिसभा निर्वाचनमा परिजित भोगेका थापा हाल नेपाली काँग्रेसको कोशी प्रदेश संसदीय दलका नेता रहेका छन् ।
कुल ९३ सांसद रहेको कोशी प्रदेशसभामा वहुमतका लागि ४७ मत आवश्यक पर्छ ।
कोशीमा गठबन्धन दल काँग्रेसको २९, माओवादी केन्द्रको सभामुख सहित १३, नेकपा एसको ४ र जसपाको १ गरी ४७ मत छ ।
एक महिनाभित्र विश्वासको मत लिनुपर्ने प्रावधान छ, यद्यपि उनले विश्वासको मत नपाए संविधानको धारा १६८ को उपधारा ३ अनुसार ठूलो दलको हैसियतले नेकपा एमालेकै नेतृत्वमा सरकार गठन हुनेछ ।
