फाइल तस्बिर
सुनसरी /कोशी प्रदेशमा सरकार बनाउनका लागि गठबन्धनले सभामुखसहित ४७ सांसदको हस्ताक्षर बुझाउने भएको छ।
कोशी प्रदेशमा गठबन्धनको सरकार बनाउन बालुवाटारमा बिहीबार बिहान बसेको सत्तारूढ
७ दलको बैठकले नेपाली कांग्रेसका उद्धव थापालाई मुख्यमन्त्री बनाउन सभामुखसहितको दाबी पेश गर्ने निर्णय गरेको हो।
सत्ता गठबन्धनको बैठकले सरकार गठनका लागि ४७ सांसदको समर्थन बुझाउन कांग्रेस संसदीय दलका नेता उद्धव थापा, माओवादी केन्द्र संसदीय दलका नेता इन्द्र आङ्वो
र एकीकृत समाजवादी संसदीय दलका नेता राजेन्द्र राईलाई निर्देशन दिएको हो।
सभामुख सांसद पनि भएकाले उहाँको पनि हस्ताक्षर बुझाउने निर्णय भएको छ ।
कोशी प्रदेशका प्रमुख परशुराम खापुङले सरकार गठनका लागि दिएको समयसीमा आजै सकिँदैछ ।
