धनकुटा / सुरक्षालाई मध्यनजर गरी धनकुटाको पाख्रीवास नगरपालिकामा नयाँ स्वास्थ्य चौकीको निर्माण गरिएका छ ।
पाख्रीबास नगरपालिका वडा नं ८ मा बनेको नयाँ स्वास्थ्यचौकी भवन संघिय सरकारको ५७ लाख लागतका ४ कोठे एक तले स्वास्थ्य चौकी भवन निर्माण गरिएको हो । २०७९ चैत महिनाबाट निर्माण शूरु गरिएको भवनको अहिलेसम्म करिब ८० प्रतिशत सकिएको नगरपालिकाले जनाएको छ ।
पुरानो स्वास्थ्यचौकी भवन जीर्ण र साँघुरो भएपछि नयाँ भवन निर्माण गरिएको हो । वडाध्यक्ष गणेश राईका अनुसार भवन निर्माणका लागि स्थानीय देबेन्द्र राईले निःशूल्क २ रोपनी जग्गा उपलब्ध गराएका थिए । निर्माणाधीन भवनको अब झ्याल ढोका लगाउने, रंगरोगन गर्ने,टायल विछ्याउने लगायतका काम बाँकी रहेको वडाध्यक्ष राईले बताए ।
