वार्षिकोत्सवको अवसरमा निःशुल्क परीक्षण

धरान /  धरान १ मा रहेको स्पार्क फाइभ अस्पताले ९ औं वार्षिकोत्सवको अवसरमा शनिवार निःशुल्क स्वास्थ्य शिविर सम्पन्न गरेको छ ।
शिविरमा १ सय २० जना सर्वसाधारणले निःशुल्क परीक्षण गराएका थिए ।

डा. सुनिलकुमार पौडेलको प्रमुख आतिथ्य तथा देवरत्न शाक्यको अध्यक्षतामा अस्पतालकै प्रांगरणमा निःशुल्क स्वास्थ्य परीक्षण गरिएको थियो ।
शिविरमा प्रमुख अतिथि समेत रहेका बेलायत र अमेरिकामा समेत स्वास्थ्य क्षेत्रमा काम गरिसकेका डा.सुनिलकुमार पौडेल र डा. तारा भुजेलबाट चेकजाँच गरिएको थियो ।

विहान ८ बजेदेखि दिउँसो ४ बजेसम्म भएको शिविरमा ढाँड, कम्मर, गर्धन, जोर्नी दुख्ने, नशा च्यापिएको लगायतका समस्या भएका विरामीहरुको चेकजाँच गरिएको अस्पतालले जनाएको छ ।

लामो समयदेखि उपचार गराउन नपाएकाहरुलाई लक्षित गरी निःशुल्क स्वास्थ्य शिविरको आयोजना गर्न लागिएको हो । शिविरमा बाथरोग, युरिक एसिड, शरीर झमझमाउने, प्यालाइसिस, मुख बाँगिएको उपचार गरिएको अस्पतालले जनाएको छ ।

अस्पतालका अनुसार बार्षिकोत्सवको अवसरमा शिविरमा आएकाहरुलाई ल्याव परीक्षणमा २० प्रतिशत, निःशुल्क औषधि वितरण, उपचार तथा वेड भर्नामा १० प्रतिशत छुटको व्यवस्था गरिएको थियो ।