_1693980289.gif "#")
विजयपुर/धरान १५मा रहेको युनाइटेड गोर्खा एकेडेमीले १० ओैं वार्षिक उत्सव मनाएको छ ।
आइतबार एकेडेमीले विविध कार्यक्रमको आयोजना गरी अफ्नो १० ओै वार्षिक उत्सव र अभिभावक दिवस मनाएको हो । वार्षिकोत्सवको अवसरमा विद्यालयका विद्यार्थीहरुले आ–आफ्नो प्रतिभा प्रस्तुत गरेका थिए । विद्यार्थीहरुले नृत्य र नाटकको प्रस्तुतिसँगै समसामयिक विषयको नाटक प्रस्तुत गरेका थिए ।
प्रस्तुत गरिएको नाटकमा सृष्टि राई, एसलिना श्रेष्ठ, त्योहाङ्ग राई, जसमिना राई , डोलमा शेर्पा र नहम राईले अभिनय गरेका थिए । सो अवसरमा बोल्दै स्कुलका प्रिन्सिपल पेम्बा शेर्माले गुणस्तरीय शिक्षासँगै विद्यार्थीहरुलाई अतिरिक्त क्रियाकलापमा समावेश गर्ने गरेको बताए ।
वार्षिकोत्सवको अवसर पारेर स्कूलले खेलकुद प्रतियोेगितामा जित हात पार्ने विद्यार्थीहरुलाई पुरस्कृत समेत गरेको थियो । सो अवसरमा प्रदेश नं. १ का सांसद रमेशकुमार बस्नेतले विद्यार्थीहरुलाई गुणस्तरीय शिक्षासँगै अतिरिक्त क्रियाकलाप गराउनु अत्यन्तै आवशयक रहेको बताएका थिए ।
कर्यक्रममा प्याब्सनका नगर कमिटी अध्यक्ष राजकुमार राई, युनाइटेड गोर्खा एकेडेमीका प्रशिक्षक तुलाराम राई, त्रिवेणी महिला समूह र सुनौलो महिला समूहका प्रतिनिधिहरुको उपस्थिति रहेको थियो ।
