_1693980289.gif "#")
धरान/ नेकपा एमाले र जसपाको गन्धनबाट सुनसरी क्षेत्र नं. १ मा निर्वाचनमा होभिएका उमेद्वारहरु अहिले सर्वसाधारणको घरदैलो भोट माग्न व्यस्त देखिन्छन् । उनीहरुले जनताको गुनासो सुन्दै त्यहा रहेका समस्या समाधान गर्ने प्रतिबद्धता व्यक्त गर्नेगर्छन ।
विहीबार एमाले जसपा गठबन्धनका उम्मेद्वारहरु धरान –१७ का एन्फा मार्ग, सप्तरङ्गी टोल, डाँडा घोपा, फोकल्याण्ड टापु, रेल्वेलगायतका क्षेत्रमा भोट माग्दै त्यो क्षेत्रमा गर्नुपर्ने विकासका कामका विषयमा बुझ्ने काम गरेका छन् ।
सूर्य चिह्नको प्रभाव रहेको यस क्षेत्रमा धेरैलाई जसपा र एमाले गठबन्धन रहेको थाहा पाए पनि गठबन्धन गरेर उठेका उम्मेद्वारले समग्र सुनसरी क्षेत्र नं. १ को विकासमा काम गर्न सक्छन् कि सक्दैनन् भन्ने अन्यौलमा सर्वसाधारण थिए । तर घरदैलोको क्रममा प्रतिनिधि सभामा छाता चिह्नबाट उठेका उम्मेदवार अशोक राई मतदातालाई घरदैलोमा जाँदा यस क्षेत्रको विहास गर्नकै लागि आफू उमेद्वार भएको भन्दै विश्वस्त दिलाएका थिए ।
एमाले जसपाका साझा उम्मेद्वार राईसँग एमालेको सिङ्गो टिम घरदैलोमा रहेको पनि घरदैलोमा मतदातालाई उम्मेद्वारहरुले सुझाएका थिए । अझ निवर्तमान संघीय सांसद जयकुमार राईको प्रभाव क्षेत्र रहेको सुनसरी १ (२) मा उम्मेदवार राईलाई आफैं मत माग्दै हिडेपछि त्यहाँका सर्वसाधारण अझ सर्वसाधारण अझ विश्वस्त बनेका थिए । उनीहरुले जसपा नेकपा एमालेको गठबन्धनका उम्मेद्वारलाई मतदान गर्ने प्रतिबद्धता जनाएका थिए ।
सुकुम्बासी, अव्यवस्थित र भूमिहीनहरुको बस्ती रहेको धरान १७ सर्दू खोलाको वितण्डाले आजित छ । उम्मेदवारहरुले जनताको आकांक्षा पूरा गर्न सुकुम्बासी समस्यालाई हल गर्ने, खहरे नियन्त्रण गर्ने र खहरे प्रभावित क्षेत्रलाई करिडोर निर्माण गरी सौन्दर्यता प्रदान गर्ने प्रतिबद्धता व्यक्त गरेका छन् । घरदैलोको दौरानमा नेता राईले राष्ट्रिय सरोकारका विषयदेखि स्थानीयका साना तिना समस्या समाधानका बारेमा प्रतिवद्धता व्यक्त गरेका छन् ।
