धरान । विराट हेल्थ कलेजले सिटिइभिटीले तोकेको भन्दा अतिरिक्त रकम विद्यार्थीबाट लिएको भन्दै विद्यार्थीका अभिभावक, विभिन्न विद्यार्थी संघ संगठनले त्यसको विरोध जनाएको छ ।
कलेजले मनपरी ढंगबाट अतिरिक्त शुल्क लिने गरेको पाइएपछि बुभार अनेरास्ववियु मोरङ, विद्यार्थी र अभिभावक सहित गएर विराट हेल्थ कलेजलाई ध्यानाकर्षण गराएको थियो ।ध्यानकर्षणपश्चात छलफल कलेजसँग छलफल गरिएको थियो । छलपलमा अनेरास्ववियुका अध्यक्ष तुलसी घिमिरे, अभिभावकका तर्फबाट कमल रेग्मी र कलेजकातर्फबाट लेखा प्रमुख रामेश्वर कामत सहभागि भएका थिए । छलफलका क्रममा कलेजले चारित्रिक प्रमाणपत्र बनाएवापत ७ हजार ५ सय मागेको पाइएको थियो । सिटिइभीले निर्देशन गरे अनुसार कोरोनाको समयमा शुल्कमा १५ प्रतिशत छुट दिइने भनिए पनि कलेजले नदिएपछि यस ा विषयमा विवाद भएको थियो । छलफलमा सहभागी अनेरास्ववियुका अध्यक्ष घिमिरेले भने–‘ कलेजले विद्यार्थीलाई १५ प्रतिशत छुट वापत दिने भनेको भएपनि १ हजार ५ सय कटाएर थप ६ हजार चारित्रिक प्रमाणपत्रको नाममो नाममा लिएको पाइएको छ ।’
उनले क्याम्पस प्रमुख कलेजभन्दा बाहिर जानुभएकोले प्रतिनिधिसँग बसेर तीन बुँदे सम्झौताभएको जानकारी दिए उनका अनुसार सहमतिमा विद्यार्थीलाई चारित्रिक प्रमाणपत्र बिना शुल्क उपलब्ध गराउने, कोरोनाको समय अवधिमा भएको अनलाईन क्लास बापतको १५ प्रतिशत छुट क्याम्पस प्रमुखसँग छलफल गरेर उपलब्ध गराउने र हालसम्म विद्यार्थीबाट लिएको अतिरिक्त शुल्क फिर्ता गर्ने सहमति भएको छ ।
उनले भने–‘सहमति पश्चात क्याम्पसले विद्याथीको अतिरिक्त रकम फिर्ता गरेको थियो भने बुधबारै १५ जना विद्यार्थीले निःशुल्क चारित्रिक प्रमाणपत्र निकालेका छन् ।’