धरान/ सुनसरीको बराहक्षेत्रमा लागूऔषध खैरो हिरोइन (ब्राउन सुगर) सहित एक युवक पक्राउ परेका छन्।
पक्राउ पर्नेमा बराहक्षेत्र नगरपालिका–२ पुनर्बासका २५ वर्षीय सञ्जीव राई रहेका छन्।
जिल्ला प्रहरी कार्यालय सुनसरीका सूचना अधिकारी डीएसपी चन्द्रबहादुर खड्काका अनुसार मंगलबार दिउँसो करिब २ बजे इलाका प्रहरी कार्यालय चतराबाट प्रहरी नायब निरीक्षक किरण मोक्तानको कमाण्डमा खटिएको टोलीले उनलाई पक्राउ गरेको हो।
पटनाली पुलबाट पुनर्बासतर्फ पैदल जाँदै गरेका राईलाई शंकाका आधारमा चेकजाँच गर्दा उनको साथबाट दुई पोका ब्राउन सुगर फेला परेको प्रहरीले जनाएको छ।
प्रहरीका अनुसार बरामद लागूऔषध प्लास्टिकसहित ३ ग्राम १८० मिलिग्राम र प्लास्टिकबाहेक २ ग्राम ५७५ मिलिग्राम तौल भएको छ।
पक्राउ परेका राईलाई थप अनुसन्धानका लागि इलाका प्रहरी कार्यालय महेन्द्रनगरमा राखिएको जिल्ला प्रहरीले जनाएको छ।
