_1693980289.gif "#")
धरान । धरान उपमहानगरपालिका वडा नं. १४ का नवनिर्वाचित वडाध्यक्ष कृष्णप्रसाद भट्टराईले वडाबासीका लागि नौलो काम गर्ने भएका छन् ।
सपथग्रहणपश्चात पदभार ग्रहण गर्दै वडाध्यक्ष भट्टराईले वडाबासीका विजुलीको महसुलमध्ये २० युनिटसम्मको महसुल वडाले तिर्ने महत्वपूर्ण निर्णय गरेको छ ।
विगतमा समेत पञ्जीकरणका सम्पूर्ण काम वडाबासीलाई निःशुल्क गराउदै आएका उनले दोस्रो पटक पदभार ग्रहण गर्नेवित्तिकै यो निर्णय गरेका हुन् । उनले भने–‘विगतमा समेत पञ्जीकरणका सम्पूर्ण कामलाई धरान १४ ले निःशुल्क गरेको थियो, अब भने २० युनिटसम्मको विजुलीको महसुल वडाले नै तिरिदिन्छ ।’
उनले धरान उपमहानगरपालिका वडा नं. १४ विजयपुरलाई धार्मिक पर्यटकीय स्थल बनाउन सम्बन्धित निकायमा पत्राचार गर्ने निर्णय समेत गरेको बताएका छन् ।
०७४ सालको पहिलो स्थानीय निर्वाचनमा नेपाली काँग्रेसबाट निर्वाचित वडाध्यक्ष भट्टराई ०७९ को दोस्रो निर्वाचनमा पार्टीले टिकट नदिएपनि पार्टीबाट राजीनामा दिँदै राप्रपाबाट वडाध्यक्ष उठेका थिए । १४ नं. वडाबासीबीच लोकप्रिय बनेका भट्टराईले राप्रपाबाट उठ्दा समेत वडाध्यक्षमा निर्वाचित गराएका थिए ।
