धरानमा खानेपानीको हाहाकार : दमकलबाट पानी खुवाउँदै

धरान । सुख्खा मौसमसँगै धरानमा खानेपानीको हाहाकार मच्चिएको छ । सर्वसाधारणले खानेपानी प्रयाप्त नपाउदा धेरै समस्या भोग्नु परेको छ । यस बीचमा धरान खानेपानी व्यवस्थापन बोर्ड घेराउ गर्ने, बोर्डमा गएर गुनासो पोख्ने सर्वसाधारणको नियति नै बन्दै गएको छ ।

विगतमा खानेपानी समस्या भएको समयमा नेपाल खानेपानी संस्थानले दुई वटा ट्यांकरबाट सर्वसाधारणको टोल टोलमा खानेपानी वितरण गर्ने गथ्र्यो । खानेपानीको चरम अभाव भएको ठाउमा त्यसरी पानी वितरण गर्दा उनीहरु राहत महसुस गर्थे । तर खानेपानी संस्थानलाई बोर्डमा गाभेर धरान खानेपानी व्यवस्थापन बार्ड बन्दा बोर्डको एउटा पनि ट्यांकर नभएपछि पछिल्लो समय बारुण यन्त्रलाई रंगरोगन गरेर ट्यांकरमा परिणत गरेर सर्वसाधारणलाई खानेपानी वितरण गर्दै आएको छ ।

सर्वसाधारणलाई खानेपानी अभाव भएपछि ट्यांकमार्फत नै पानी खुवाउने सोच बोर्डले तयारी गरिरहेको थियो । धरान उपमहानगरपालिकाका प्रमुख तिलक राईले संस्थान बोर्डमा गाभेपनि संस्थानमा रहेको ट्यांकर नछोडेका कारण पानी वितरण गर्न नसकेको बताउदै आएका छन् । उनले केही समय अगाडि यसै विषयमा चासो राख्दा उनले बोर्डले चाडै नै ट्यांकर खरिद गर्ने बताएका थिए ।

तर अहिले ट्यांकरको विकल्प धरान उपमहानगरपालिकाको १ नं. वारुणयन्त्रलाई बनाइएको छ । ३ हजार ५ सय लिटर पानी अँट्ने सो बारुणयन्त्रले धराने जनताको समस्यामा थोरैमात्रामा मल्हल लगाउने काम भएपनि पर्याप्त नभएको धरानेहरुको गुनासो छ ।

धरान १५ की माया राईले उपमहानगरपालिकाले वारुणयन्त्रलाई ट्यांकर बनाएर सर्वसाधारणलाई पानी वितरण गरेपनि त्यो पर्याप्त नभएको बताइन् । उनले भनिन्–‘एउटा ट्यांकरले धरानभरि कति पु¥यायोस् त्यसको आश पनि छैन हामीलाई ।’

धरान खानेपानी बोर्डको जिम्मेवार सम्हाल्दै आएका इन्जिनियर राजु पोख्र््ेलले धरानमा खानेपानीको हाहाकार मच्चिएपछि समाधानका लागि वारुणयन्त्रलाई ट्यांकरको रुपमा प्रयोग गरी सर्वसाधारणलाई पानी वितरण गरेको बताए । उनले भने–‘हामीले ट्यांकरको रुपमा प्रयोग गरेको वारुणयन्त्र १ नं. वारुणयन्त्र हो, आगलानीका घट्ना हुँदा पुग्नुपर्ने ठाउमा नपुगेर विग्रिएर थन्किने गथ्र्यो, यसलाई ट्यांकरको रुपमा प्रयोग गरेर सर्वसाधारणलाई केही राहत दिने प्रयास गरेका हौ ।’

उनले आगलागीका घट्ना हुँदा वारुणयन्त्रको कुनै समस्या नहुने बताउदै विग्रिएर थन्किएको वारुणयन्त्रलाई सदुपयोग गरेको बताए । उनले भने–‘बारुणयन्त्र उकालो बाटो जानै सक्दैन, सम्ममामात्र जानसक्छ, यसमा ३ हजार ५ सय लिटर पानी अँटछ, पुग्नसक्ने ठाउमा सर्वसाधारणलाई पानी खुवाउन भन्ने उद्देश्यले बारुणयन्त्रलाई ट्यांकरको रुपमा प्रयोग गरेका हौं ।’