_1693980289.gif "#")
धरान । वरगाछी महिला समुह धरान ८ को आयोजनामा आधारभुत हेयर कटिङ्ग तालिम सम्पन्न भएको छ ।
आईतवार समापन भएको तालिम गत माघ २२ गते देखि फगुण ७ गते सम्म संचालन भएको थियो । तालिम धरान उपमहानगरपालिका वार्ड नं. ८ वडा कार्यालयको महिला लक्षित कार्यक्रम अन्तरगत सम्पन्न भएको हो । समापन समारोहका प्रमूख अतिथि तथा धरान ८ का वडा सदस्य प्रेम बहादुर तामाङ्गले २५ सहभागीहरुलाई प्रमाण पत्र प्रदान गरेका थिए । समुहकी अध्यक्ष चन्द्रकला प्रधानको अध्यक्षतामा सम्पन्न तालिममा प्रशिक्षण सोनिमा हेयर कटिङ्गकी सुनिता श्रेष्ठले दिएकी थिईन् । तालिम कार्यक्रम संयोजक ईन्दु श्रेष्ठले तालिमका सहभागीहरुलाई स्वगत गर्दै तालिमका सिकेका कुरा व्यवहारमा लागु गरी आय आर्जन समेत गर्न सुझाव दिईन ।
समूहकी सल्लाहकार तथा समाजसेवी शिला बज्राचार्यले महिला समुहले गरेको कामको खुलेर प्रसंसा गर्दै समुहलाई महिला संजालमा अवद्ध हुन सुझाव दिईन् । समुहलाई अगाडी बढाउन समुहका सदस्यहरुको क्षमता वृद्धि हुनु पर्ने नेतृत्व र व्यक्तित्व विकास हुनु पर्ने भन्दै आगामी दिनमा नेतृव तथा व्यक्तित्व विकास तालिम आयोजना गर्न अनुरोध गर्दै त्यसका लागि आवश्यक सहयोग गर्ने समेत वज्रचार्यले प्रतिवद्धता ब्यक्त गरेका थिए ।
तालिमका सहभागी पम्फा कठायत पराजुलीले आफुहरुले सिकेको कुरा घर परिवारमा उपयोगमा आएको र यसलाई व्यवसायिक समेत बनाउने प्रतिवद्धता व्यक्त गरिन् ।
