पोखरीमा डुबेर एकजनाको मृत्यु

धरान । झापाको शिवसताक्षी नगरपालिका ४ मा रहेको माछा पोखरीमा डुबेर एक जना पुरुषको मृत्यु भएको छ ।

मृत्यु हुनेमा सोही स्थानका ४९ बर्षीय सन्चरिया ताजपुरिया रहेका छन् ।

बुधवार बेलुकी आफ्नै घर छेउमा रहेको माछा पोखरीमा डुबेको अबस्थामा स्थानीयले देखे पश्चात् तत्काल उद्धार गरी उपचारको लागी नोवेल अस्पताल बिराटनगर पठाइएकोमा उनको उपचारको क्रममा मृत्यु भएको प्रहरीले जानकारी दिएको छ  ।

घटना सम्बन्धमा थप अनुसन्धान भईरहेको ईलाका प्रहरी कार्यालय अनारमनीले बताएको छ ।