इटहरीका कार्कीले जिते टिभिएसको शतप्रतिशत क्यास ब्याक

धरान । टिभिएसको सरप्राइज योजना अन्तर्गत इटहरीका कुमार कार्कीले सत प्रतिशत क्यास ब्याक हात पारेका छन् ।

गोलाप्रथा मार्फत कार्कीले शतप्रतिशत क्यास ब्याक जितेका हुन् । उनले जगदम्बा मोटर्सका इटहरीका आधिकारिक विक्रेता पारस अटोमोबाइल्सबाट टिभिएसको स्कुटी खरिद गरेका थिए । कार्कीले एनटिओआरक्यु डिस्क खरिद गर्दा शतप्रतिशत क्यास ब्याक पाएका हुन् । टिभिएसले दशैँ, तिहार र छठलाई लक्षित गर्दै सरप्राइज योजना ल्याएको थियो । ६ पटकसम्म उपहार जित्न मिल्ने उपहार योजना अन्तर्गत ग्राहकहरूले बिभिन्न टिभिएसका मोटरसाइकल तथा स्कुटरको खरिदमा हात खाली नहुन्जेल बिभिन्न आकर्षक उपहारहरु प्राप्त गरेका थिए । योजना गत भदौ १६ बुधबार बाट शुरु भइ मंसिर १४ गते मंगलवार समाप्त भएको थियो ।

योजना अवधी भरि सम्पूर्ण बिजेताको छनौट प्रत्यक्ष गोलाप्रथा मार्फत हरेक शुक्रवार साँझ ६:४५ बजे हिमालयन टीभी बाट प्रशारण भएको थियो । जगदम्बा मोटर्स प्रा.लि. नेपालमा टिभिएस टू–ह्वीलर्सको लागि एकमात्र आधिकारिक वितरक हो ।

नेपालभर १ सय ४५ भन्दा बढी डिलरहरुको राष्ट्रव्यापी वितरण सञ्जालका साथ टिभिएसले बजारमा पकड राख्न सफल भएको छ । गुणस्तरीय उत्पादनहरु, बिक्री पश्चातको व्यापक सेवा र देशभरमा जगेडा पार्टपुर्जाहरुको उपलब्धता मार्फत् उपभोक्तालाई दिइएको उच्चतम सन्तुष्टिका कारण टिभिएस नेपालको सबैभन्दा ज्यादा रुचाइएको टू–ह्वीलर ब्राण्ड बनेको छ ।