भारतको राहत चामल नेपालमा बरामद

धरान । भारत सरकारले गरिव परिवारका लागि राहत स्वरूप उपलब्ध गराउदै आएको चामल ससस्त्र प्रहरीले बरामद गरेको छ ।

सिमावर्ति क्षेत्रमा रहेका भारतीयहरु सँग संकलन गरेको चामल नेपालको उत्तरी भेगको रमाइलो, कानेपोखरी, दलेली लगायतका क्षेत्रमा बरामद गरिएको छ । घरेलु मदिराको लागि अति उपयुुक्त हुने गरेकाले भारतीय चामल नेपालमा बिक्रीवितरण गर्ने गरेको खुलासा भएको ससस्त्र प्रहरीले जनाएको छ ।

भारतबाट अबैध रुपमा खेतमा लुकाई राखेको अबस्थामा चेकजाच गर्दा २० बोरा चामल बरामद गरेको हो । बरामद गरिएको चामल आवश्यक कार्वाहीको लागि भन्सार कार्यालय बुझाईएको सशस्त्र प्रहरी बल नेपाल बि.ओ.पि.रंगेलीका सशस्त्र प्रहरी निरीक्षक कमल बहादुर अधिकारीले बताए ।