धरान । धरान आदर्श उच्च माध्यमिक विद्यालयले कक्षा ११ मा नवआगन्तुक विद्यार्थीहरुलाई स्वागत गरेको छ ।
शनिबार विद्यालयमा आयोजना गरिएको स्वागत कार्यक्रममा विभिन्न साँस्कृतिक कार्यक्रम सहित स्वागत गरिएको हो ।
नवआगन्तुक विद्यार्थीहरुलाई विद्यालयका प्रिन्सिपल लोकेन्द्र श्रेष्ठ लगायत विशेष अतिथीहरुले खदा लगाईदिदै स्वागत गरेका थिए । विद्यालयका प्रिन्सिपल श्रेष्ठको प्रमुख आतिथ्यमा भएको स्वागत कार्यक्रममा विद्यार्थीहरुले प्रतिभा प्रस्तुत गरेका थिए । कार्यक्रममा ममता गुरुङ, टिशिरिङ भोटे, हेमचन्द्र, साजन, अञ्जली, नुमा, निशा, मिस्टिना, सिमा, अस्मिता रोक्कीले नृत्यु प्रस्तुत गरेका थिए भने विक्रम लिम्बु, सुधन लिम्बु, सुजित तामाङ, नहेम बोगटी, सुजल राई, जेनि चेम्जोङ र विजय दर्नालले गित प्रस्तुत गरेका थिए ।
कार्यक्रममा एकेडेमीक निर्देशक मोहन पोख्रेल, आर्थिक निर्देशक फडिन्द्र थापा, विज्ञान संकाय संयोजक राम सोभित यादव, पब्लिक रिलेसन निर्देशक रमेश बस्नेत, प्लस टु मेनेजमेन्ट कोअर्डिनेटर शुसिल घिमिरे लगायतको आतिथ्यता रहेको थियो । कार्यक्रममा विद्यालयले संचालन गरेको विभिन्न प्रतियोगितामा विजेताहरुलाई पुरस्कार वितरण गरिएको थियो ।