धनकुटा/ गाईवस्तुलाई दिइने घाँस टुक्राउन उपयोगी रहेको मोटर सहितको च्यापकटर धनकुटाको महालक्ष्मी नगरपालिकाले पशुपालक कृषकहरुलाई वितरण गरेको छ ।
नगरपालिकामा औपचारिक कार्यक्रम गरेर कृषकहरुलाई च्यापकटर हस्तान्तरण गरिएको हो ।
नगर क्षेत्रका १ सय ४० पशुपालक कृषकहरुलाई ५० प्रतिशत अनुदानमा च्यापकटर वितरण गरिएको हो । कार्यक्रममा छुटेकाहरुलाई केही दिनभित्रै वितरण गरिने नगरपालिकाले जनाएको छ । कृषकहरुलाई पशुपालनमा प्रोत्साहन र सहजीकरण गर्न नगरपालिकाले अनुदानमा च्यापकटर प्रदान गरेको नगरप्रमुख पर्शुराम नेपालले बताए ।
कृषि पेशालाई समय अनकुल यन्त्र उपकरणको प्रयोगबाट सहज र सरल बनाउँन नगरपालिकाले सहयोग गर्दै आएको भन्दै नगर प्रमुख नेपालले आगामी दिनमा पनि कृषकहरुलाई सक्दो सहयोग गर्ने प्रतिबद्धता जनाए ।
च्यापकटरको बजार मूल्य प्रतिगोटा करिब ३५ हजार छ । नगरपालिकाले लाखौं रकम खर्चेर कृषकहरुलाई अनुदानमा च्यापकटर दिएको हो । महालक्ष्मी नगरपालिकाले कृषि क्षेत्रलाई प्राथमिकतामा राखेर कृषकहरुलाई सहयोग गर्दै आएको छ । कार्यक्रममा नगरपालिकाका उप–प्रमुख मञ्जु अधिकारी, वडा नं.१ का वडाध्यक्ष टेकबहादुर गुरुङ्ग लगायतले च्यापकटरको प्रयोगबाट कृषकहरुलाई निकै सहज हुँने विश्वास व्यक्त गरे । च्यापकटरबाट घाँस काट्न छिटो, छरितो र सरल हुँने भएकाले निकै उपयोगी हुँने
कृषकहरु बताउँछन् ।
