बराहक्षेत्र/ आन्तरिक आम्दानी बृद्धि गर्दै स्थानीयलाई रोजगारी दिने उद्देश्यमा साथ बराहक्षेत्र स्थित आदर्श खानेपानी तथा सरसफाइ उपभोक्ता समितिले मिनिरल वाटर उत्पादन गर्ने भएको छ ।
वराहक्षेत्र २ पुनरवासमा रहेको खानेपानी उपभोक्ता समितिको बुधबार सम्पन्न ११ औं बार्षिक साधरणसभाले मिनिरल वाटर उत्पादन गर्न आवश्यक कामहरु सुरु गर्ने निर्णय गरेको हो । मिनिरल वाटर उत्पादन गर्ने कानुनी प्रक्रिया, बोरिङ, पानी प्रशोधन, बोतल प्याकेजिङ्ग, बजारीकरणका अध्ययन लगायतका कामहरु अघि बढाउने निर्णय भएकोे समितिका सचिव लालकुमार राईले बताए ।
दैनिक २४ घण्टानै पानी बितरण गर्दै आएको समितिले पानीको उत्पादन क्षमता धेरै भएका कारण मिनिरल वाटर उत्पादन गर्ने योजना बनाएको समितिका अध्यक्ष समेत रहेका वराहक्षेत्र वडा नं २ का अध्यक्ष हरिकृष्ण भट्टराईले बताए ।
भट्टराईको सभाध्यक्षतामा सम्पन्न कार्यक्रममा सचिव राईले आर्थिक वर्ष २०७७÷०७८ को आय ÷ व्यय प्रस्तुत गरेका थिए । समितिले १ करोड ३६ लाख १ हजार ३ सय २५ रुपैयाँ आय र ७९ लाख ८ हजार ६ सय ५६ रुपैयाँ खर्च गरेको र ५३ लाख २ हजार ६ सय ६९ रुपैयाँ नगद मौज्दाद रहेको सचिव राईले वताए ।
सभाको प्रमुख अतिथि वराहक्षेत्र नगरपालिकाका प्रमुख निलम खनाल रहेका थिए । सभामा वराहक्षेत्र नगर कार्य पालिका सदस्य धनकुमारी गहतराज, तोरिवारी खानेपानि तथा सरसफाइ उपभोक्ता समितिका अध्यक्ष डम्बरप्रसाद सिग्देल लगायतको उपस्थिती
रहेको थियो ।
