‘आउँदो चुनावमा एमाले पहिलो पार्टी बन्छ’

धरान/ नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले आउदो चुनावमा एमाले पहिलो पाटी वन्ने र सरकारको नेतृत्व गर्ने दावी गरेका छन् ।

सहिदभूमि गाउँपालिका–३ पिप्लेडाँडामा आयोजित ४३ औ सहिद स्मृति सभालाई सम्वोधन गर्देै अध्यक्ष ओलीले १३ महिनापछि चुनाव आउँदैछ । त्यसपछि एमाले पहिलो पार्टी वन्ने र सरकारको नेतृत्व गर्ने आफूले दावी गरे । उनले प्रचण्ड–नेपाल भन्दा बरू सूर्यवहादुर थापाका छोरा सुनिल वहादुर थापा इमान्दार रहेको बताए । उनले भने–‘बरू थापा सोझै कांग्रेसमा प्रवेश गरे, प्रचण्ड–नेपाल आफ्नो दुई तिहाईको सरकार ढाल्दै, पार्टी फुटाउँदै प्रधानमन्त्री वन्न देउवाको ढोका ढक्ढक्याउन गए ।’

उनले सूर्यवहादुर थापाका विरासत रहेका उनका छोरा कांग्रेस प्रवेश गरेसँगै छिन्ताङ हत्याकाण्डको जिम्मा नेपाली कांग्रेसमा गएको उनले बताए । उनले माधव प्रचण्ड कुहिएको आलु हुन् । वोराबाट निकालिएपछि पार्टी सुद्धीकरण भएको उनको दावी थियो । न्यायलय तिर इंगित गर्दै अध्यक्ष ओलीले पाँचदलको अदालतका न्यायधिसले मुद्दा हेर्दैनन् । वकिलको दादागिरी चलेको समेत आरोप लगाए । सभामा नेकपा एमालेका स्थायी कमिटि सदस्य शकंर पोखरेलले समेत वोलेका थिए ।