_1693980289.gif "#")
धरान । नगर अधिवेसन देखि नै विवादित बनेको नेकपा एमाले सुनसरीको महाधिवेशन प्रतिनिधी छनौटको विवाद समाधान हुन नसके पछि छलफलका लागि पुनः मतदानको समय थप भएको छ ।
नेकपा एमालेको १० औं महाधिवेशनको लागी प्रतिनिधि चयन गर्न सुनसरीले मनोनयन दाबी फिर्ताको समय कार्तिक २९ गते साँझ सम्म तोकेको थियो । तर जिल्ला भरीनै प्रतिनिधी छनौट सहमतीमा हुन नसके पछि मंगलबार हुने पुर्वघोषित मतदानको तालिका परिवर्तन भएको हो ।
सोमबार एमाले जिल्ला पार्टी कार्यालय बैठकले प्रतिनिधि चयनको मतदान तालिका परिवर्तन गरेको हो । सर्वसम्मत प्रतिनिधि छनौट गर्नको लागि पहल गर्न मतदानको कार्यतालिका परिवर्तन गरिएको एमाले जिल्ला अधिवेशन आयोजक कमिटीका सदस्य रवि खनालले जानकारी दिए । उनका अनुसार सुनसरीको क्षेत्र नम्बर २ र ४ सर्वसम्मत भने भोलि हुने भएको छ । यी दुई क्षेत्रबाट उम्मेदवारी दर्ता गरेकाले सबैले फिर्ता गरेर पुनः छलफल गरि सर्वसम्मत प्रतिनिधी पठाउने सहमती भएको छ ।
यता नगर अधिवेसन देखि नै विवादित बनेको क्षेत्र नम्बर १ मा सर्वसम्मतका लागि छलफल चलिरहेको छ । ३ नम्बरमा पनि सर्वसम्मतका लागि छलफल जारी रहेको खनालले बताए । उनले भने, ‘सर्वसम्मतले सुनसरीबाट प्रतिनिधी छनौट गर्न निर्वाचन तालिका सार्न दुवै पक्षको सहमती भएकाले सारिएको हो ।’
उनका अनुसार मतदान मंसिर ३ गते हुने भएको छ । सुनसरीमा कुल ४२ जना प्रतिनिधिको कोटामा चार गुणा बढीले उम्मेदवारी दर्ता गराएका छन् ।
