धरान/ मधेशमा विद्रोह गदै आएको सिके राउत नेतृत्वको जनमत पार्टीले धरान नगर समिति गठन गरेको छ ।
स्वतन्त्र मधेश गठबन्धनको नाममा विद्रोह गर्दै आएको पार्टीले गत चैत्रको पहिलो सातामा राष्ट्रिय परिषद् वैठकले जनमत पार्टी नामाकरण गर्दै शान्तिपूर्ण राजनीतिमा अवतरण गरेको थियो ।
अहिले यो पार्टीले मुलुकभर आफ्नो संगठन विस्तार गर्ने कामलाई तिब्रता दिएको छ । यसै क्रममा धरानमा समेत जनमत पार्टीको नगर कमिटी गठन भएको छ ।
शनिवार धरान १३ स्थित हेपील्याण्ड होटलमा आयोजित सम्मेलनबाट नगर कमिटी गठन भएको हो । मोहम्मद हसिम मियाको अध्यक्षतामा ११ सदस्यीय नगर समिति गठन गरिएको् छ । जसको उपाध्यक्षमा विकास मण्डल, सचिवमा विशेश्वर मण्डल, सहसचिवमा चाँदनी साह, कोषाध्यक्षमा विजुली शाम चयन भएका छन् । यस्तै सदस्यमा हसिना वैगम, सोनी साह, रञ्जित साह, सावित्री मण्डल, सहवाज मिया र महमत अजमत चयन भएका छन् ।
पार्टीका नगर कमिटी गठनमा पार्टीका केन्द्रीय सदस्य डा.सुबन्त कुसवाहा,आसादेबी मेहता,विद्यार्थी नेता बीरेस चौरासिया लगायतको उपस्थिति रहेको थियो ।
