विराटनगरको महेन्द्र चोकमा युवकको शव फेला

विराटनगर । विराटनगर्रका एक युवक मृत फेला परेका छन् । विराटनगर – ११ स्थित महेन्द्र नकिजैको स्वस्तिक होटल सटर बाहिर ४० वर्ष उमेतरका जस्ता देखिने पुरुष मृत फेला परेका हुन ।

मंगलबार फेला परेका पुरुषको पहिचान खुलन नसकेको वडा प्रहरी कार्यालय विराटनगर ‘क’ का डिएसपी दिपक कार्कीले बताएका छन् । घटनास्थलको मुचुल्का उठाएर प्रहरीले शवको पहिचान गर्ने र घटनाको अनुसन्धान थालिएको कार्कीले जानकारी दिए ।

टाउकोमा चोट लागेको अवस्थामा फेला परेका गहुँगोरो पुरुषको शव पोस्मार्टमको लागि कोसी अस्पताल पठाइएको प्रहरीले जनाएको छ ।