भोजपुर र पथरीका दुई जना बेपत्ता

सुनसरी । प्रदेश १ को दुई जिल्लामा नदी र पोखरीमा पौडिन नसक्दा दुई जना बेपत्ता भएका छन् ।

प्रदेश नम्बर १ प्रहरी कार्यालय विराटनगरका अनुसार पथरी शनिश्चरे नगरपालिका ८ मंगलबारे का २७ बर्षीय बिनोद पाण्डे माछा पोखरीमा पौडी खेल्ने क्रममा बेपत्ता भएका हुन् भने भोजपुर अरुण गाउँपालिका ७ का २४ वर्षिय युवराज अधिकारीलाई नदिले बगाउँदा बेपत्ता भएका छन् ।

प्रहरीका अनुसार शनिबार साँझ कानेपोखरी ६ स्थित हेरिका निर्माण सेवा प्रालिको माछा पोखरीमा पाण्डे डुबी बेपत्ता भएका हुन् ।

उनको इलाका प्रहरी कार्यालय पथरीबाट खटिएको प्रहरी टोलि सहित स्थानीयको सहयोगमा खोजतलास भईरहेको छ ।

उता भोजपुर अरुण गाऊपालिका ७ का अधिकारीलाई शनिबार राती नसुवा र अरूण नदीको दोभानमा माछा मार्ने क्रममा अरूण नदिले बगाउँदा बेपत्ता भएका छन् । उनी ९÷१० जना साथीहरुसंग मिलेर माछा मार्न गएका थिए ।

बेपत्ता भएको खबर प्राप्त भए पछि प्रहरी चौकी जरायोटाटबाट प्रहरी टोली खटि गई खोजतलास भईरहेको प्रहरीले जनाएको छ ।