‘ओली नसच्चिए सडक आन्दोलन चर्किन्छ’

इटहरी/ नेकपा (प्रचण्ड–नेपाल समूह) का अध्यक्ष माधवकुमार नेपालले काम चलाउ प्रधानमन्त्री केपी शर्मा ओलीले आप्mनो कदमलाई तत्काल नसच्याए आगामी दिनमा सडक आन्दोलन चर्किने बताएका छन् ।
अध्यक्ष नेपालले शनिबार सञ्चारकर्मीहरूसँग बोल्दै यस्तो बताएका हुन् । २६ औँ जनयुद्ध दिवसको अवसरमा इटहरी–१९ को भवानीपुरस्थित शहीद स्मृति आवासीय माध्यमिक विद्यालयले आयोजना गरेको कार्यक्रमलाई सम्बोधनपछि उनी सञ्चारकर्मीहरूसँग बोल्दै थिए ।

त्यसक्रममा उनले प्रम ओलीले संविधान मिच्दै संसद् विघटन गरेर मुलुकलाई दुर्घटनाको खाडलमा पु¥याएको र यसले गर्दा वर्तमान राजनीतिक अवस्था नै गञ्जागोल बन्न पुगेको धारणा राखे ।

मुलुकलाई ठूलो दुर्घटना हुनबाट जोगाउन अध्यक्ष पुष्पकमल दाहाल (प्रचण्ड) र आपूm नेतृत्वको नेकपाले अब सडक सङ्घर्ष चर्काउने र सडकबाटै ओलीलाई पुरानै स्थितिमा ल्याउने पनि उनको भनाइ छ । उनले ओली पुरानो कालका श्री ३ र जङ्गबहादुर बन्ने कोशिस गरिरहेकाले अब तिनको शासन अन्त्य भएको र त्यस्तो शैलीलाई जनताले नस्वीकार्ने जिकीर पनि गरे ।

सोही कार्यक्रममा नेकपाकी नेतृ तथा पूर्व राज्यमन्त्री रामकुमारी झाँक्रीले मुलुकको अस्तित्व जोगाउन निडर भएर बोल्दा प्रहरी लगाई आपूmलाई थुनामा राखेर प्रधानमन्त्री ओलीले तानाशाही प्रवृत्ति देखाएको आरोप लगाइन् ।

प्रहरीले पक्राउ गरे पनि आपूm संविधानविपरीत काम गर्ने ओलीविरूद्ध बोल्न नछाड्ने उनको भनाइ छ । पछिल्लो समय निकै चर्चामा रहेकी नेतृ झाँक्रीले सडकबाट भए पनि संसद् पुनःस्थापना गराएरै छाड्ने र सम्माननीय अदालतले पनि आपूmहरूकै पक्षमा पैmसला गर्ने विश्वास रहेको बताइन् ।

त्यस्तै, अर्का नेता वर्षमान पुनले जनताबाट पाएको दुई तिहाइ मतलाई प्रम ओलीले दुरूपयोग गरेको आरोप लगाउँदै अब सजाय पनि जनताबाटै पाउने बताए । उनले संविधानविपरीत चालिएको कदमको विरोध गर्दै गणतन्त्र स्थापनाका लागि शहीदहरूले गरेको बलिदान सधैँ स्मरणयोग्य रहने धारणा राखे । कार्यक्रम विद्यालय व्यवस्थापन समितिका अध्यक्ष मणिराम गिरीको अध्यक्षतामा भएको थियो ।