_1693980289.gif "#")
धरान/ धरान जेसीसको शाखा अधिवेशनबाट वर्ष २०२१ को अध्यक्षमा मणिराज अधिकारी निर्वाचित भएका छन् ।
३७ औं अधिवेशनबाट बुधबार वर्ष २०२१को अध्यक्षमा सर्वसमतरुपमा मणिराज अधिकारी निर्वाचित भएका छन् भने कार्यकारिणी उपाध्यक्षमा पदमा राजु शाह ,खेमकला काम्बाङ (आयुष्मा) निर्वाचित भएका छन् । त्यस्तै वर्ष २०२१कै लागि उपाध्यक्ष पदमा अनिल श्रेष्ठ, इन्द्र कार्की, रिमा थापा मगर र ऋषीराम भट्टराई निर्वाचित भएका छन् ।
बुधबार धरान २ स्थित जेसीस भवनमा सम्पन्न ३७ औ अधिवेशन तथा पुरस्कार वितरण कार्यक्रमको सभापति धरान जेसीज वर्ष २०२०का अध्यक्ष तथा नेपाल जेसीस वर्ष २०२१ का उपाध्यक्ष दिपेन्द्र निरौलाले गरेका थिए भने कार्यक्रमको उद्घाटन धरान उपमहानगरपालिकाका मेयर तिलक राईले गरेका थिए ।
कार्यक्रममा विभिन्न विधामा उतकृष्ट १९ जेसीस सदस्यहरुलाई पुरस्कार वितरण गरिएको थियो ।
सन् १९७५ मा संस्थापक अध्यक्ष श्याम गोविन्द श्रेष्ठबाट सुरु भएको धरान जेसीस युवाहरूको ट्रेनिङ इन्स्टिच्युटको रूपमा परिचित संस्थाको रूपमा लिइन्छ ।
अधिवेशनको निर्वाचन अधिकृत निवर्तमान अध्यक्ष मनिष शाही, मनोनयन सभापति अतुल श्रेष्ठ र पुरस्कार वितरण सभापति वर्ष २०२०का अध्यक्ष सल्लाकार सन्दीप शाक्य रहेका थिए ।
