_1693980289.gif "#")
धरान÷ धरान उमनपा कार्यपालिकाको सोमबार बसेको बैठकले नौवटा व्यवस्थापन तथा कार्यविधि स्वीकृत गरेको छ । बैठकले आगामी फागुन १० गते नगर सभाको बैठक बस्ने निर्णय गरेको छ ।
बैठकले मेलमिलाप र कुकुर व्यवस्थापन कार्यविधि, नगरसभाको मिति तोक्ने मापदण्ड, वातावरणीय परीक्षण प्रतिवेदन स्वीकृत गर्ने, खानेपानी मुहान उपयोग, निर्माण सामग्रीको दर, उपभोक्ता समितिको प्रतिशत र खरिद गुरुयोजना सम्बन्धमा प्रस्ताव स्वीकृत गरेको हो ।
न्यायिक समितिले प्रचलित कानुनबमोजिम उजुरीको कारवाही र किनारा गर्दा मेलमिलापकर्तालाई व्यवस्थित गर्न अपनाउनुपर्ने कार्यविधि स्वीकृत भएको छ । उमनपाभित्र स्वच्छ र सफा वातावरण कायम गर्न, घरपालुवा तथा सामुदायिक कुकुरहरूबाट हुने प्रदूषण रोक्न, तिनको तथ्याङ्क राख्न, अद्यावधिक गर्न र कुकुरहरूको व्यवस्थापन गर्न सरोकारवालाहरूसँग समेत छलफल गरी तयार गरिएको कुकुर व्यवस्थापन कार्यविधि पनि बैठकले स्वीकृत गरेको छ ।
बैठकले तीनवटा उपभोक्ता समितिहरूलाई खानेपानी मुहानको उपयोगको अनुमति दिई दर्ता गर्ने निर्णय गरेको छ । स्थानीय तहमा आएको अधिकारका कारण सो कार्यविधि प्रतिवेदन प्रस्तुत गरिएको जनाइएको छ ।
