बेलबारी÷ अपाङ्गता भएका व्यक्तिहरूका लागि बेलबारी नगरपालिकाले निःशुल्क स्वास्थ्य शिविर आयोजना गरेको छ ।
अपाङ्गता रोकथाम तथा पुनस्र्थापना कार्यक्रमअन्तर्गत नगरपालिकाले २ नम्बर वडाबाट आइतबार शिविर सुरु गरेको हो । शिविरमा स्वास्थ्य परीक्षण, मनोपरामर्श, कुपोषणसम्बन्धी परामर्श दिइने नगरपालिकाको स्वास्थ्य शाखाका कर्मचारी सन्तोष विश्वकर्माले बताए ।
उनका अनुसार हाडजोर्नीको शल्यक्रिया र हातखुट्टा बाङ्गिएको भए उपचारका लागि रेफर गरिनेछ ।
यस्तै, अपाङ्गता भएका व्यक्तिहरूलाई सहायक सामग्री र अपाङ्गता परिचयपत्रसमेत वितरण गरिने विश्वकर्माले बताए । नगरपालिकाले शिविरमा सहभागी हुन अपाङ्गता भएका व्यक्तिहरूलाई आग्रहसमेत गरेको छ । शिविर यही माघ २६ गतेसम्म सञ्चालन हुने नगरपालिकाको कार्यालयले जनाएको छ ।