नेकपा सचिवालय बैठक बालुवाटारमा सुरु

धरान –सत्तारुढ दल नेकपाको सचिवालय बैठक प्रधानमन्त्री निवास बालुवटारमा सुरु भएको छ ।

आजको सचिवालय बैठकमा प्रधानमन्त्री तथा पार्टीका अध्यक्ष समेत रहेका केपी शर्मा ओलीले राजनितिक प्रस्ताव पेश गर्ने कार्यक्रम तय भएको छ ।

गत कार्तिक २८ गते बसेको सचिवालय बैठकमा अर्का अध्यक्ष पुष्पकमल दाहाल “प्रचण्ड” ले राजनितिक प्रतिवेदन पेश गरेका थिए ।
आज बस्ने सचिवालय बैठकमा सोही प्रतिवेदनको जवाफमा प्रधानमन्त्री केपी शर्मा ओलीले प्रतिवेदन प्रस्तुत गर्ने कार्यक्रम रहेको बताइएको छ ।

यसअघि मंसिर ३ गते बसेको बैठक १० दिनका लागि स्थगित भएको थियो ।

आजको बैठकले निकै महत्तवपूर्ण भएको जानकारहरु बताउदै आएका छन् । नेकपा भित्रको विवाद कुन मोडमा पुग्छ भन्ने आजको बैठकबाट तय हुने अड्कल काट्न थालिएको छ ।