नियमित रुपमा हुदै आएको दैनिक कोभिड–१९ प्रेस ब्रिफिङ नहुने "आइतबार र बुधबारमात्रै हुने"

धरान स्वास्थ्य तथा जनसंख्या मन्त्रालयले अब दैनिक रुपमा गर्दै आएको कोभिड–१९ प्रेस ब्रिफिङ नगर्ने भएको छ ।

नियमित रुपमा दैनिक हुदै आएको कोभिड १९ प्रेस ब्रिफिङ दशैंका समयमा केही दिन रोकिएर बुधबारबाट सुरु भएको थियो ।

भोलि बिहीबारदेखि भने दैनिक ब्रिफिङ नहुने मन्त्रालयका प्रवक्ता प्रा. डा. जागेश्वर गौतमले जानकारी दिए ।

उनका अनुसार अब सातामा दुई दिन आइतबार र बुधबार कोभिड–१९ प्रेस ब्रिफिङ हुनेछ । अरु दिनको सूचना मन्त्रालयको वेबसाइट, भाइबर ग्रुप र सामाजिक सञ्जालमा दिइने उनले जानकारी दिए ।