_1693980289.gif "#")
इलाम / इलाम नगरपालिकाको वस्पार्कमा रहेको क्वारेन्टाईन अर्को निर्णय नभए सम्मका लागि बन्द गरिएको छ । कोरोना संक्रमण फैलन नियन्त्रण गर्नका लागि बनाइएको क्वारेन्टाई अर्को निर्णय नभएसम्म असोज १५ गते देखि बन्द गर्ने निर्णय गरिएको हो ।
दुईदिन अघि क्वारेन्टाईनमा भएको १९ जनाको रिपोर्ट नेगेटिभ आएसँगै क्वारेन्टाईनमा पाँच जना रहेका छन । पाँच जना वाहिरी देशबाट आएका र उनीहरुले आफू आएको देशमा श्वाव परिक्षण गरेरै आएको कारण क्वारेन्टाईन खालि हुनै भएपछि बन्द गर्ने निर्णय भएको हो । उनीहरुको यहाँ आएपछिको रिपोर्ट आईकन मात्र उहाँहरुलाई विदा दिने नगरपालिकाको स्वास्थ्य शाखाले जनाएको छ ।
हाल क्वारेन्टाईनमा रहेकाहरुको रिपोर्ट पोजेटिभ आएमा आइसोलेसनमा लैजाने र नेगेटिभ भए घर पठाउने तयारिमा रहेको स्वास्थ्य शाखाको भनाई छ ।
हाल सञ्चालनमा रहेको क्वारेन्टाईन बन्द भएसँगै विदेशबाट आएका व्याक्तिलाई क्वारेन्टाइन र आइसोलेसनमा राख्नु पर्ने भए इलाम नगरपालिकाले लागू गरेको होम क्वारेन्टाइन र आइसोलेसनमा राख्ने निर्णय गरेको छ । होम क्वारेन्टाईनमा बस्नुपर्ने व्याक्तिले नगरपालिकाले तोकोको मापदण्ड पालना गर्नुपर्ने र सम्बन्धीत वडा कार्यालयबाट निगरानी गर्ने निर्णय गरेको छ ।
