धरान २० का पहिरो पिडित ७ घर परिवारलाई राहत वितरण

धरान / धरान २० विष्णुपादुका आँपटारमा पहिरोबाट पिडितहरुलाई राहत वितरण गरेको छ । टिम नेपो र सिस्टरहुड नेपालको संयूक्त रुपमा पिडित ७ घर परिवारलाई राहत वितरण गरेको हो ।

राहतमा २०० केजी चामल, ७५ केजी दाल, ३५ केजी नुन्, ४० पाकेट तेल र १० केजी न्यूटेला प्रदान गरिएको थियो । उक्त राहत आवश्यकता अनुसार वितरण गर्ने गरी धरान उपमहानगरपालिका वार्ड नं. २० का वडाध्यक्ष मणिराम राईलाई जिम्मा लगाईएको हो । राहतका लागि आश्यक सामग्रीका लागि रोटरी क्लवमा आवद्ध काठमाण्डौं निवासी प्रधान परिवारले रु. ३० हजार प्रदान गरिएको आयोजक टिम नेपो सुनसरी का प्रतिनिधि प्रज्वल भण्डारीले बताए । छोराछोरी नभएका वृद्धबृद्धा भएका धरानका ५ परिवार समेत राहत वितरण गरिएको थियो ।

पहिरो जाने क्रममा गत ३ गते करिव १२ः३० वजे खाना खाईरहेको अवस्था एक्कासी जमिन खस्किन शुरु भएको थियो । स्थानीय बासिन्दाले थाहा पाएर बस्तुभाउ र केही सरसामान पनि सार्न भ्याएका थिए ।

मानिस तथा कुनै बस्तुभाउको क्ष्यति भने हुन नपाएको धरान २० निवासी कर्ण राईले जानकारी दिएका छन् ।

उनिहरुलाई हाल टेण्ड निर्माण गरी सुरक्षित स्थानमा सारिएको छ । टिम नेपो एक सामाजिक संस्थाको रुपमा रहेर शिक्षा, स्वास्थ्य, कृर्षि र वातावरणको क्षेत्रमा कर्यरत रहेको छ ।

कार्यक्रममा सिस्टर हुड नेपालकी सदस्य रोजिना भुजेल, रोटरी क्लव अफ धरानका अध्यक्ष दिपक कुमार श्रेष्ठ, निवर्तमान अध्यक्ष रविन श्रेष्ठलगायतको सहभागिता रहेको थियो ।