धरान । वीपी कोइराला स्वास्थ्य विज्ञान प्रतिष्ठानका रेक्टर र रजिस्ट्रार सहित अन्य कर्मचारीको स्वाब परिक्षण नेगेटिभ आएको छ ।
गत सोमबार प्रतिष्ठानका उपकुलपति डा।ज्ञानेन्द्र गिरीलाई कोरोना संक्रमण पुष्टि भएपछि उनको सम्पर्कमा रहेका अन्य पदाधिकारी र कर्मचारीहरुको स्वाब परीक्षण गरिएको थियो ।
उपकुलपतिको सम्पर्कमा आएका प्रतिष्ठानकै रेक्टर डा।गुरु खनाल, रजिष्ट्रार डा।मोहनचन्द्र रेग्मी, प्रवक्ता डा।निदेश सापकोटासहित कर्मचारी प्रशासनका उमेश कोइराला, दिव्यराज थापाको स्वाब परीक्षणको रिपोर्ट नेगेटिभ आएको छ । सबैको रिपोर्ट नेगेटिभ आए पनि पदाधिकारीहरु केही दिन भेटघाट भने बन्द गर्ने भएका छन् ।
प्रतिष्ठानका पदाधिकारी, कर्मचारीसँगै उपकुलपतिको चालक, गार्ड र सेक्रेटरीको पनि रिपोर्ट नेगेटिभ आएको छ ।
अस्पताल निर्देशकले भने शुक्रबार मात्र परीक्षण गराउने भएका छन ।
उपकुलपतिसँग भेट भएको ५ दिन शुक्रबार पुग्ने भएकोले उनी अहिले होम क्वारेन्टिनमा नै बसेका छन् । संक्रमण पुष्टि भएको व्यक्तिसँग सम्पर्कमा आएकाहरुको ५ दिनपछि मात्र स्वाब परीक्षण गराउने गरिन्छ ।