वराहक्षेत्रको चतरास्थित बयरवन सामुदायिक वन क्षेत्र भित्र अवैध-अतिक्रमण गरी निर्माण गरिएको पक्की भवन निर्माण पक्षलाई सामुदायिक वनले ताकेता गरेको छ । सामुदायिक वन क्षेत्रभित्र अनाधिकृत रुपमा निर्माण गरिएको भवन वेवारिसे भएको कोशीपत्र दैनिकको अनलाइन पोर्टलमा प्रकाशित भएपछि वनले कसले, के को लागि, कुन सस्थाले, कुन प्रयोजनका लागि निर्माण गरेको हो ? सो को विवरण लिनु पर्ने भएकाले सूचना प्रकाशित भएको मितिले सात दिन भित्रमा सरोकार वाला संघसस्था समूहलाई आवश्यक कागजातसहित सम्पर्क गर्न सार्वजनिक सूचना प्रकाशित गरेको छ ।
वराह सब डिभिजन वन कार्यालय चतराले अवैध संरचना बारे सामुदायिक वन समक्ष विवरण माग गरेपछि सामुदायिक वनले सार्वजनिक सूचना जारी गरेको अध्यक्ष कर्णबहादुर खड्काले बताए । अघिल्लो कार्य समितिबाट सामुदायिक वनको बुझ -बुझारथ लिदा निर्मित भवनका बारेमा कुनै जानकारी नभएको अध्यक्ष खड्काले बताए ।
वनको ताकेताअनुसार समय भित्र सम्बन्धित ब्यक्ति वा सस्था सम्पर्कमा नआए वन ऐन अनुसार कार्वाही अगाडि बढाउने सार्वजनिक सुचनामा जारी गरेको छ । भवन निर्माण समिति बनाउदा मनोमानी अवैधानिक तरीकाले वनाएको र अहिले सम्म निर्माण समिति विगठन नगरी नियम कानुन मिचेर वसि रहेको आरोप स्थानीय वासिन्दाहरुले लगाएका छन।