वीपीमा कोरोनो संक्रमण पुष्टि भएका मृतकको संख्या २३ पुग्यो

धरान । कोरोना संक्रमण पुष्टि भएको झापाकी एक महिलाको मृत्यु भए सँगै धरान स्थित वीपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु हुनेको सँख्या २३ पुगेको छ ।

प्रतिष्ठानको कोभिड अस्पतालमा उपचार गराई रहेकी झापाको कन्काई ३ की ४५ वर्षिया एक महिलामा कोरोना पुष्टि भएको थियो । उनको आइतबार बिहान करिब पौने ११ बजे मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए ।

मृत्तकलाई विगत ७ दिनदेखि कमजोरी, कब्जियत र २ दिनदेखि निमोनिया, ज्वरो, श्वासप्रश्वासमा कठिनाइ भएपछि उनी झापाको मेची अस्पताल पुगेकी थिइन् । त्यहाँबाट भदौ १८ गते उनलाई वीपीमा रिफर गरिएको थियो । उनको शव व्यवस्थापन भइरहेको उनले बताए ।